തിരുവനന്തപുരം: കോണ്ഗ്രസില് മുഖ്യമന്ത്രി ചര്ച്ചകള് അതിര് കടക്കവെ വിഷയത്തില് പ്രതികരണവുമായി മുന് ഡിജിപി ടി പി സെന്കുമാര്. യുഡിഎഫ് വിജയിച്ചാല് കൊടിക്കുന്നില് സുരേഷ് തന്നെ കേരളം നയിക്കണമെന്നാണ് തന്റെ ആഗ്രഹമെന്ന് സെന്കുമാര് ഫേസ്ബുക്കില് കുറിച്ചു.
ദലിതര്ക്കും ഒബിസികള്ക്കും വേണ്ടി ദിനംപ്രതി ഘോര ഘോരം പ്രസംഗിക്കുന്ന രാഹുല് ഗാന്ധി, അതേ സമീപനം സ്വന്തം പാര്ട്ടിക്കുള്ളില് തന്നെ പ്രാവര്ത്തികമാക്കേണ്ടതില്ലേയെന്ന് സെന്കുമാര് ചോദിച്ചു. കോണ്ഗ്രസിലെ ഒരു സീനിയര് നേതാവായ കൊടിക്കുന്നില് സുരേഷിനെ മുഖ്യമന്ത്രി സ്ഥാനാര്ത്ഥിയായി കോണ്ഗ്രസ് പരിഗണിക്കാത്തത് എന്തുകൊണ്ടാണ്?. മുഖ്യമന്ത്രി പദവിക്ക് അദ്ദേഹത്തെ അയോഗ്യനാക്കുന്ന കാരണങ്ങള് എന്തൊക്കെയാണ് എന്നും സെന്കുമാര് ചോദിക്കുന്നു.
