വിദ്യാര്ഥികളെ പാദപൂജക്ക് നിര്ബന്ധിതരാക്കിയ സംഭവത്തില് കാര്യക്ഷമമായ അന്വേഷണം നടത്തി നടപടി സ്വീകരിക്കണമെന്ന് ആവശ്യപ്പെട്ട് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യര് മുഖ്യമന്ത്രിക്ക് പരാതി നല്കി. കാസര്ഗോഡ് ബന്തുടക്കയിലെ ആര്എസ്എസ് നിയന്ത്രണത്തിലുള്ള സരസ്വതി വിദ്യാലയത്തിലും, മാവേലിക്കരയിലെ വിദ്യാധിരാജാ സെന്ട്രല് സ്കൂള് ഉള്പ്പടെ വിവിധ ജില്ലകളിലെ സ്കൂളുകളില് വിദ്യാര്ഥികളെ കൊണ്ട് അധ്യാപകരുടെ പാദപൂജ ചെയ്യിച്ച സംഭവം അങ്ങേയറ്റം പ്രതിഷേധാര്ഹമാണെന്നും കത്തില് പറയുന്നു.
ഈ സംഭവം സാക്ഷര കേരളത്തിന് അപമാനകരമാണ്. വിദ്യാർത്ഥികളുടെ ആത്മാഭിമാനത്തെ ചോദ്യം ചെയ്തതിനു സമാനമാണ് ഈ പ്രവൃത്തി.
സംസ്ഥാനത്തെ ജനാധിപത്യ മതേതര ബോധം ചോദ്യം ചെയ്യുന്ന പ്രവർത്തനങ്ങൾ ഉണ്ടാകരുതെന്നും പരാതിയില് വ്യക്തമാക്കുന്നു. വിഷയത്തില് സമഗ്ര അന്വേഷണം നടത്തി തുടര്നിയമ നടപടികള് സ്വീകരിക്കണമെന്നും മുഖ്യമന്ത്രി പിണറായി വിജയന് നല്കിയ പരാതിയില് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യര് ആവശ്യപ്പെട്ടു.
Content: Incident of students being forced to perform foot worship; KSU files complaint with Chief Minister
