ഇന്ത്യൻ സൂപ്പർ ലീഗിൽ തുടർച്ചയായ പരാജയങ്ങൾക്കൊടുവിൽ കഴിഞ്ഞ മത്സരത്തിലെ വിജയവുമായി അടുത്ത മത്സരത്തിനിറങ്ങുകയാണ് കേരള ബ്ലാസ്റ്റേഴ്സ്. രണ്ടാം ജയം ലക്ഷ്യമിട്ടിറങ്ങുന്ന ബ്ലാസ്റ്റേഴ്സിന് എതിരാളികൾ നോ​ർ​ത്ത് ഈ​സ്റ്റ് യുണൈറ്റഡ് എ​ഫ്സി​യാ​ണ്. കളിച്ച ഏഴ് മത്സരങ്ങളിൽ ആറെണ്ണത്തിലും ബ്ലാസ്റ്റേഴ്സ് പരാജയപ്പെട്ടിരുന്നു. എന്നാൽ, ബെംഗളൂരു എ​ഫ്സിയുടെ തട്ടകത്തിൽ പോയി അവരെ തോൽപ്പിച്ചതിന്റെ ആത്മവിശ്വാസത്തിലാണ് കൊമ്പന്മാർ ഇന്നിറങ്ങുക. നിലവിൽ നാല് പോ​യ​ൻ​റു​മാ​യി പോയിന്റ് പട്ടികയിൽ 13-ാം സ്ഥാ​ന​ത്താ​ണ് കേരള ബ്ലാ​സ്റ്റേ​ഴ്സ്. ടീമിലെ പല താരങ്ങളും ടീം വിട്ടുപോയതതോടെ ദുർബലവസ്ഥയിലായിരുന്നു ടീം. അതിനിടയാണ് കോച്ചിൻറെ പുറത്താകലും. വൈ​കീ​ട്ട് 7.30ന് ക​ലൂ​ർ ജവാഹർലാൽ നെഹ്‌റു അന്താരാഷ്ട്ര സ്റ്റേ​ഡി​യ​ത്തി​ൽ വ​ച്ചാ​ണ് മത്സരം.