കോഴിക്കോട്: കെഎസ്ഇബിയുടെ തോട്ടി തട്ടി കാൽനടയാത്രക്കാരിക്ക് ഗുരുതര പരിക്ക്. വടകര മണിയൂരിലാണ് അപകടം ഉണ്ടായത്. മരച്ചില്ലകൾ വെട്ടിമാറ്റുന്നതിനായി ജീപ്പിൽ കൊണ്ടുപോകുകയായിരുന്ന തോട്ടിയാണ് അപകടത്തിനിടയാക്കിയത്.

ചെല്ലട്ട്പൊയിൽ കാളാംപുതുക്കുടി ജാനകി (75)യ്ക്കാണ് പരിക്കേറ്റത്. മണിയൂർ ഹൈസ്കൂളിന് സമീപം ഇന്ന് ഉച്ചയ്ക്ക് 12 മണിയോടെയായിരുന്നു സംഭവം.

ജീപ്പിൽ കൊണ്ടുപോകുകയായിരുന്ന കെഎസ്ഇബി തോട്ടി ജാനകിയെ തട്ടുകയായിരുന്നു. അപകടത്തിൽ വയറിനും കൈയ്ക്കും ഗുരുതരമായി മുറിവേറ്റു. ഉടൻ തന്നെ ജാനകിയെ ആശുപത്രിയിൽ പ്രവേശിപ്പിച്ചു.

മരച്ചില്ലകൾ വെട്ടിമാറ്റുന്നതിനായാണ് കെഎസ്ഇബി അധികൃതർ തോട്ടി കൊണ്ടുപോയത്.