പത്തനംതിട്ട: കണ്ണൂര് മുന് എഡിഎം നവീന് ബാബുവിന്റെ മരണവുമായി ബന്ധപ്പെട്ട് പി പി ദിവ്യക്കും ടിവി പ്രശാന്തനുമെതിരെ മാനനഷ്ടക്കേസ് ഫയല് ചെയ്ത് കുടുംബം. 65 ലക്ഷം രൂപ നഷ്ടപരിഹാരം നല്കണമെന്നാവശ്യപ്പെട്ടാണ് മാനനഷ്ടക്കേസ് ഹര്ജി ഫയല് ചെയ്തിരിക്കുന്നത്.
നവീന് ബാബു കൈക്കൂലി വാങ്ങിയെന്ന് ആരോപണമുന്നയിച്ച കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി പി. ദിവ്യ, ടി വി പ്രശാന്തന് എന്നിവര്ക്കെതിരെയാണ് നവീന് ബാബുവിന്റെ കുടുംബം കേസ് ഫയല് ചെയ്തിരിക്കുന്നത്.
നവീന് ബാബുവിനെ അഴിമതിക്കാരനെന്ന് തെറ്റായി പൊതുസമൂഹത്തിന് മുന്നില് ചിത്രീകരിച്ചു. മരണശേഷവും പ്രശാന്തന് പലതവണ ഇത് ആവര്ത്തിച്ചു എന്നാണ് ഹര്ജിയിലെ ആരോപണം.
ഹര്ജി ഫയലില് സ്വീകരിച്ച പത്തനംതിട്ട സബ് കോടതി ദിവ്യയ്ക്കും പ്രശാന്തിനും കോടതി നോട്ടീസ് അയച്ചു. ഹര്ജി അടത്ത മാസം 11ന് പരിഗണിക്കും.
2024 ഒക്ടോബര് 15 നാണ് നവീന് ബാബുവിനെ കണ്ണൂര് പള്ളിക്കുന്നിലെ ക്വാര്ട്ടേഴ്സില് തൂങ്ങിമരിച്ച നിലയില് കണ്ടെത്തിയത്.
സ്ഥലംമാറിപോകുന്ന കണ്ണൂര് എഡിഎം നവീന് ബാബുവിന് 2024 ഒക്ടോബര് 14 ന് വൈകീട്ട് റവന്യു ഉദ്യോഗസ്ഥര് നല്കിയ യാത്രയയപ്പ് ചടങ്ങിലേക്ക് ക്ഷണമില്ലാതെ എത്തിയായിരുന്നു ജില്ലാപഞ്ചായത്ത് പ്രസിഡന്റ് പിപി ദിവ്യയുടെ അധിക്ഷേപ പ്രസംഗം. ദിവ്യയുടെ വാക്കുകളാണ് നവീന് ബാബുവിന്റെ ജീവനെടുത്തതെന്നാണ് കുടുംബം പറയുന്നത്.
