തിരുവനന്തപുരം: കേന്ദ്ര ബജറ്റില് കേരളത്തെ പൂര്ണമായും അവഗണിച്ചതില് പ്രതിഷേധം കടുപ്പിക്കാന് തീരുമാനിച്ച് സി പി എം. ബജറ്റിലെ അവഗണനയില് പ്രതിഷേധിച്ച് നാളെ സംസ്ഥാനവ്യാപകമായി കരിദിനം ആചരിക്കും. ഇതിന്റെ ഭാഗമായി നാളെ എല്ലാ ബൂത്തുകളിലും കരിങ്കൊടി ഉയര്ത്തിയും പ്രതിഷേധ പ്രകടനങ്ങള് നടത്തിയും ജനകീയ പ്രതിഷേധം സംഘടിപ്പിക്കാനാണ് സി പി എം ആഹ്വാനം ചെയ്തിരിക്കുന്നത്.
കേരളം ഇന്ത്യയുടെ ഭൂപടത്തില് പോലുമില്ലെന്ന തരത്തിലാണ് ധനമന്ത്രിയുടെ പ്രഖ്യാപനങ്ങളെന്നും, സംസ്ഥാനത്തിന്റെ ന്യായമായ ആവശ്യങ്ങളെ കേന്ദ്രം പൂര്ണ്ണമായും തള്ളിക്കളഞ്ഞുവെന്നും സി പി എം കുറ്റപ്പെടുത്തി. നിര്മല സീതാരാമന് ബജറ്റ് അവതരിപ്പിച്ചതിന് പിന്നാലെ ഇന്നലെ തന്നെ മുഖ്യമന്ത്രി പിണറായിയും സി പി എം ജനറല് സെക്രട്ടറി എം എ ബേബിയും സംസ്ഥാന സെക്രട്ടറി എം വി ഗോവിന്ദനുമടക്കമുള്ളവര് രൂക്ഷ വിമര്ശനവുമായി രംഗത്തെത്തിയിരുന്നു.
