കുട്ടികൾക്ക് ഏറെ ഇഷ്ടമുള്ള മധുരമാണ് പാൽപേട. കടകളിൽ വാങ്ങാൻ കിട്ടുമെങ്കിലും വീട്ടിലുണ്ടാക്കുന്നവയ്ക്ക് പ്രത്യേക സ്വാദാണ്. വേനലവധികാലത്ത് കുട്ടിപ്പട്ടാളങ്ങൾക്ക് ഈ പാൽപേട ഉണ്ടാക്കി നൽകാം.

ചേരുവകൾ

പാൽ പൊടി – 1 കപ്പ്

പാൽ – 1/4 കപ്പ്‌

പഞ്ചസാര പൊടിച്ചത് – 1/4 കപ്പ്‌

നെയ്യ് – 2 ടേബിൾസ്പൂൺ

തയാറാക്കുന്ന വിധം

ഒരു പാൻ അടുപ്പത്ത് വച്ച് നെയ്യ് ഒഴിച്ചതിനു ശേഷം ബാക്കി എല്ലാ ചേരുവകളും ചേർത്ത് നന്നായി ഇളക്കി യോജിപ്പിക്കുക. ഇത് തീ കുറച്ച് വെച്ച് വേണം ഉണ്ടാക്കാൻ. ഇനി ഇത് പാനിൽ നിന്നും വിട്ടു വരുന്ന പാകമായാൽ തീ ഓഫ്‌ ചെയ്ത് അഞ്ച് മിനിറ്റ് അടച്ചുവെക്കകുക. ശേഷം കൈയിൽ നെയ്യ് പുരട്ടി ഇഷ്ടമുള്ള ആകൃതിയിലാക്കി പരത്തി എടുക്കുക. മിൽക്ക് പേട തയാർ.