കോഴിക്കോട്: സിപിഐഎമ്മിന്റെ സംസ്ഥാന സെക്രട്ടേറിയറ്റ് പുനഃസംഘടിപ്പിച്ചു. കണ്ണൂരില് നിന്ന് പി ജയരാജന്, തിരുവനന്തപുരത്ത് നിന്ന് വി ശിവന്കുട്ടി, പാലക്കാട് നിന്ന് എം ബി രാജേഷ്, രാജ്യസഭാ എംപിയായ ജോൺ ബ്രിട്ടാസ് എന്നിവരാണ് സംസ്ഥാന സെക്രട്ടേറിയറ്റില് ഇടംപിടിച്ചത്. പി ജയരാജനെ സംസ്ഥാന സെക്രട്ടേറിയറ്റില് ഉള്പ്പെടുത്താതില് പാര്ട്ടിക്കെതിരെ മുന്പ് വ്യാപക വിമര്ശനം ഉയര്ന്നിരുന്നു. സിപിഐഎമ്മിന്റെ തിരുത്തല് തീരുമാനമെന്ന നിലയിലാണ് പി ജയരാജന് സെക്രട്ടേറിയറ്റില് ഇടംപിടിച്ചതിനെ വിലയിരുത്തുന്നത്.
പകരം തോമസ് ഐസക്, ടിപി രാമകൃഷ്ണൻ എന്നിവരെ സംസ്ഥാന സെക്രട്ടേറിയേറ്റിൽ നിന്ന് ഒഴിവാക്കുകയും ചെയ്തിട്ടുണ്ട്. ഇരുവരും കേന്ദ്ര കമ്മിറ്റി അംഗങ്ങളാണ്. പി ജയരാജനെ ഉൾപ്പെടുത്തുന്നതിലൂടെ വലിയ മാറ്റങ്ങൾക്കാണ് പാർട്ടി തയ്യാറെടുക്കുന്നത് എന്ന വ്യക്തമായ സൂചനയും പ്രവർത്തകർക്ക് നൽകുന്നുണ്ട്.
