ന്യൂ ഡല്ഹി: രാജ്യത്ത് പാചകവാത സിലിണ്ടറുകളുടെ വില വീണ്ടും വര്ധിപ്പിച്ചു. ഗാര്ഹിക സിലിണ്ടറുകളുടെ വില 60 രൂപയും വാണിജ്യ സിലിണ്ടറുകളുടെ വില 115 രൂപയുമാണ് വര്ധിപ്പിച്ചത്. പുതുക്കിയ വില ഇന്ന് മുതല് നിലവില് വന്നു. ഇതോടെ കൊച്ചിയില് ഗാര്ഹിക സിലിണ്ടറിന്റെ വില 920 ആയി. വാണിജ്യ സിലിണ്ടറിന്റെ വില 1890.50 ആയി.
ഡല്ഹിയില് ഗാര്ഹിക സിലിണ്ടറിന് 913 രൂപയും വാണിജ്യ സിലിണ്ടറിന് 1883 രൂപയുമായി. മുംബൈയില് ഗാര്ഹിക സിലിണ്ടറിന് 912.50 രൂപയും വാണിജ്യ സിലിണ്ടറിന് 1835 രൂപയുമാണ് വില. കൊല്ക്കത്തയില് ഗാര്ഹിക സിലിണ്ടറിന് 939 രൂപയും വാണിജ്യ സിലിണ്ടറിന് 1990 രൂപയുമായി.
