ലക്നൗ: ജയിച്ചിരുന്നെങ്കില് ടോപ് ഫോറിലെത്താമായിരുന്ന ചെന്നൈ സൂപ്പര് കിംഗ്സിനെ ഏഴ് വിക്കറ്റിന് തകര്ത്ത് ലഖ്നൗ സൂപ്പർ ജയൻറ്സ്. ആദ്യം ബാറ്റ് ചെയ്ത് ചെന്നൈ ഉയര്ത്തിയ 188 റണ്സിന്റെ വിജയലക്ഷ്യം മിച്ചല് മാര്ഷിന്റെ വെടിക്കെട്ട് അർധ സെഞ്ചുറിയുടെ മികവില് മൂന്ന് വിക്കറ്റ് നഷ്ടത്തില് 16.4 ഓവറില് ലക്നൗ മറികടന്നു. 38 പന്തില് 90 റണ്സടിച്ച മിച്ചല് മാര്ഷ് ആണ് ലഖ്നൗവിന്റെ ടോപ് സ്കോറര്. അവസാന നാലോവറില് 24 റണ്സായിരുന്നു ലക്നൗവിന് ജയിക്കാൻ വേണ്ടിയിരുന്നത്. അന്ഷുല് കാംബോജ് എറിഞ്ഞ പതിനേഴാം ഓവറിലെ ആദ്യ നാലു പന്തുകളും സിക്സിന് പറത്തി നിക്കോളാസ് പുരാന് ലക്നൗവിന് തകര്പ്പൻ ജയം സമ്മാനിച്ചു.
നേരത്തെ ടോസ് നഷ്ടമായി ആദ്യം ബാറ്റ് ചെയ്ത ചെന്നൈ യുവതാരം കാര്ത്തിക് ശര്മയുടെ അര്ധസെഞ്ചുറി മികവിലാണ് 20 ഓവറില് 5 വിക്കറ്റ് നഷ്ടത്തില് 187 റണ്സെടുത്തത്. 2 പന്തില് 71 റണ്സെടുത്ത കാര്ത്തിക് ശര്മയാണ് ചെന്നൈയുടെ ടോപ് സ്കോറര്. സഞ്ജു സാംസണ് 20 പന്തില് 20 റണ്സും നായകന് റുതുരാജ് ഗെയ്ക്വാദ് 9 പന്തില് 13 റണ്സുമെടുത്ത് നിരാശപ്പെടുത്തി. തോല്വിയോടെ ചെന്നൈയുടെ പ്ലേ ഓഫ് പ്രതീക്ഷകള്ക്കും മങ്ങലേറ്റു. ചെന്നൈക്ക് ഹൈദരാബാദിനും ഗുജറാത്തിനുമെതിരായ അവസാന രണ്ട് കളികളില് ജയിച്ചാലും മറ്റു ടീമുകളുെ മത്സരഫലം ആശ്രയിച്ചെ പ്ലേ ഓഫ് സാധ്യതയുള്ളു.
