കൊച്ചി: അങ്കമാലി-എരുമേലി ശബരി റെയില്വേ പാതയ്ക്കായി ഭൂമി ഏറ്റെടുക്കാന് ഓഫീസുകള് സ്ഥാപിക്കുന്നതിനുള്ള ചെലവ് സംസ്ഥാനം വഹിക്കണമെന്ന് റെയില്വെ. ഇക്കാര്യം ആവശ്യപ്പെട്ട് ദക്ഷിണ റെയില്വേ ഗതാഗത വകുപ്പിന് കത്തയച്ചു.
അങ്കമാലി-എരുമേലി ശബരി റെയില്പ്പാത നിര്മാണത്തിന്റെ ഭൂമിയേറ്റെടുക്കലിനു കേരളം ഭരണാനുമതി നല്കുകയും, എറണാകുളം, കോട്ടയം, ഇടുക്കി ജില്ലകളിലെ സ്ഥലം ഏറ്റെടുപ്പിന് അനുമതി നല്കിയും ഗതാഗതവകുപ്പ് ഉത്തരവ് ഇറക്കിയിരിരുന്നു. ഇതിന് പിന്നാലെയാണ് ഓഫീസ് സ്ഥാപിക്കാനുള്ള ചെലവ് സര്ക്കാര് ഏറ്റെടുക്കണമെന്ന് അറിയിച്ചിരിക്കുന്നത്. നേരത്തേ, ചെലവ് ആര് വഹിക്കണമെന്ന് ചോദിച്ച് റവന്യൂ വകുപ്പ് കത്തയച്ചിരുന്നു. ഇതിനാണ് ഇപ്പോള് മറുപടി വന്നിരിക്കുന്നത്.
