തൃശ്ശൂർ : നഗരസഭയിലെ പുതിയ ഭരണസമിതിയുടെ സ്റ്റാൻഡിംഗ് കമ്മിറ്റി ചെയർമാൻമാരെ ഔദ്യോഗികമായി തിരഞ്ഞെടുത്തു. നഗരസഭ കൗൺസിൽ യോഗത്തിലാണ് വിവിധ കമ്മിറ്റികളുടെ നേതൃത്വ ചുമതലകൾ നിശ്ചയിച്ചത്.ധനകാര്യ സ്റ്റാൻഡിംഗ് കമ്മിറ്റിയുടെ ചെയർമാനായി പി.ജി. ജയപ്രകാശിനെ തിരഞ്ഞെടുത്തു. വികസനകാര്യ ചുമതല പുഷ്പാ ജോണിനും, ക്ഷേമകാര്യ സ്റ്റാൻഡിംഗ് കമ്മിറ്റിയുടെ ചുമതല മിനിമോൻസിക്കും നൽകി. ആരോഗ്യകാര്യ കമ്മിറ്റിയുടെ നേതൃത്വത്തിൽ മിഷ സെബാസ്റ്റ്യൻ എത്തും.
പൊതുമരാമത്ത് സ്റ്റാൻഡിംഗ് കമ്മിറ്റിയുടെ ചെയർമാനായി ടി. സോമശേഖരനും വിദ്യാഭ്യാസ സ്റ്റാൻഡിംഗ് കമ്മിറ്റിയുടെ ചെയർമാനായി ആർഷ ജിജുവും തെരഞ്ഞെടുക്കപ്പെട്ടു.പുതിയ കമ്മിറ്റികളുടെ പ്രവർത്തനം നഗരത്തിന്റെ വികസന പ്രവർത്തനങ്ങൾക്ക് കൂടുതൽ ഊർജം നൽകുമെന്ന് ഭരണസമിതി വിലയിരുത്തി.
