തിരുവനന്തപുരം: സംസ്ഥാനത്ത് ഇന്ന് വ്യാപകമായി വേനൽമഴയ്ക്ക് സാധ്യതയുണ്ട്. ഉച്ചയ്ക്ക് ശേഷം ഇടിമിന്നലോടും ശക്തമായ കാറ്റോടും കൂടിയ മഴയുണ്ടാകുമെന്നാണ് മുന്നറിയിപ്പ്. നാളെ കണ്ണൂർ, കാസർകോട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. വേനൽമഴ ശക്തമായതിനെ തുടർന്ന് സംസ്ഥാനത്ത് നിലവിലുണ്ടായിരുന്ന താപനില മുന്നറിയിപ്പ് പിൻവലിച്ചു.
കഴിഞ്ഞ ദിവസം വിവിധ ജില്ലകളിൽ വൈകുന്നേരത്തോടെ ശക്തമായ വേനൽമഴ ലഭിച്ചു. എന്നാൽ ഇടിമിന്നലും ശക്തമായ കാറ്റും കാരണം മരങ്ങൾ കടപുഴകി വീണ് പലയിടങ്ങളിലും അപകടങ്ങൾ ഉണ്ടായി. നിരവധി ജില്ലകളിൽ നാശനഷ്ടങ്ങളും റിപ്പോർട്ട് ചെയ്തു
