‘എന് നെഞ്ചില് കുടിയിരിക്കും’ ആരാധകര്ക്കും പ്രേക്ഷകര്ക്കും ജനനായകന്റെ പിറന്നാള് ദിനത്തില് ഗംഭീര ദൃശ്യ വിരുന്നൊരുക്കി ജനനായകന് ടീം. വിജയുടെ പോലീസ് കഥാപാത്രത്തില് സൂപ്പര് സ്റ്റൈലില് അതി ഗംഭീര സ്വാഗോടെ ദളപതി വിജയ് എത്തിയ ജനനായകന്റെ ടീസര് സോഷ്യല് മീഡിയയില് തരംഗം തീര്ക്കുകയാണ്. രക്തത്തില് കുതിര്ന്ന മുഷ്ടിയുമായി തീജ്വാലകള്ക്ക് നടുവിലൂടെ പ്രതിഷേധക്കാരെ നേരിടുന്ന ജനനായകന് ടീസറില് അനിരുദ്ധ് രവിചന്ദറിന്റെ ജ്വലിക്കുന്ന സംഗീത സംവിധാനം പ്രത്യേക ശ്രദ്ധ നേടുന്നു.
‘ഒരു യഥാര്ത്ഥ നേതാവ് ഉദിക്കുന്നത് അധികാരത്തിനു വേണ്ടിയല്ല, ജനങ്ങള്ക്ക് വേണ്ടിയാണ്’ എന്ന വാചകത്തോട് കൂടിയാണ് ടീസര് ആരംഭിക്കുന്നത്. മണിക്കൂറുകള് കൊണ്ട് മൂന്നു മില്യണില് പരം റിയല് വ്യൂവേഴ്സുമായി കുതിക്കുകയാണ് ജനനായകന് ടീസര്. ലോകവ്യാപകമായി 2026 ജനുവരി 9ന് ചിത്രം തിയേറ്ററുകളിലേക്കെത്തും.
എച്ച്. വിനോദ് സംവിധാനം ചെയ്യുന്ന ജനനായകന്റെ സംഗീത സംവിധാനം അനിരുദ്ധ് നിര്വഹിക്കുന്നു.ചിത്രത്തിലെ പ്രധാന കഥാപാത്രങ്ങളെ ബോബി ഡിയോള്, പൂജാ ഹെഗ്ഡെ, പ്രകാശ് രാജ്, ഗൗതം വാസുദേവ് മേനോന്, നരേന്, പ്രിയാമണി, മമിതാ ബൈജു തുടങ്ങിയവര് അവതരിപ്പിക്കുന്നു. വെങ്കട്ട് കെ. നാരായണ ആണ് കെ.വി.എന്. പ്രൊഡക്ഷന്റെ പേരില് ജനനായകന് നിര്മിക്കുന്നത്. ജഗദീഷ് പളനിസ്വാമിയും ലോഹിത് എന്.കെയുമാണ് സഹനിര്മാണം.
ജനനായകന്റെ അണിയറപ്രവര്ത്തകര് ഇവരാണ്. ഛായാഗ്രഹണം: സത്യന് സൂര്യന്, ആക്ഷന്: അനല് അരശ്, ആര്ട്ട്: വി. സെല്വകുമാര്, എഡിറ്റിങ്: പ്രദീപ് ഇ. രാഘവ്, കൊറിയോഗ്രാഫി: ശേഖര്, സുധന്, ലിറിക്സ്: അറിവ്, കോസ്റ്റിയൂം: പല്ലവി സിംഗ്, പബ്ലിസിറ്റി ഡിസൈനര്: ഗോപി പ്രസന്ന, മേക്കപ്പ്: നാഗരാജ, പ്രൊഡക്ഷന് കണ്ട്രോളര്: വീര ശങ്കര്, പി.ആര്.ഒ. ആന്ഡ് മാര്ക്കറ്റിങ് കണ്സള്ട്ടന്റ്: പ്രതീഷ് ശേഖര്.
