മലപ്പുറം: സാമൂഹിക പരിവര്‍ത്തനത്തിനുള്ള വിപ്ലവകരമായ ഇടപെടല്‍ നടത്തിയിട്ടുള്ള വിദ്യാര്‍ഥികളില്‍ നിന്നുതന്നെ എച്ച്.ഐ.വി അണുബാധക്കെതിരെ ജനകീയ പ്രതിരോധത്തിനുള്ള മുന്നേറ്റം ഉണ്ടാകണമെന്ന് സബ് കളക്ടര്‍ ദിലീപ് കൈനിക്കര.  ലോക എയ്ഡ്സ് ദിനത്തിന്റെ ജില്ലാതല ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം. കുറ്റിപ്പുറം എം.ഇ.എസ് എന്‍ജിനീയറിങ് കോളേജ് ഓഡിറ്റോറിയത്തില്‍ നടന്ന പരിപാടിയില്‍ ജില്ലാ മെഡിക്കല്‍ ഓഫീസര്‍ ഡോ. ടി.കെ ജയന്തി അധ്യക്ഷത വഹിച്ചു.പ്രിന്‍സിപ്പല്‍  ഡോ. റഹ്‌മത്തുന്നീസ സന്ദേശം കൈമാറി. ജില്ലാ എയ്ഡ്സ് നിയന്ത്രണ ഓഫീസര്‍ ഡോ. കെ.എം. നൂന മര്‍ജ മുഖ്യപ്രഭാഷണം നടത്തി. […]