തിരുവനന്തപുരം: സംസ്ഥാനത്ത് പവർകട്ട് തുടരുന്നതിനെതിരെ യുഡിഎഫ് സർക്കാരിനെ വിമർശിച്ച് സിപിഐഎം രംഗത്ത്. ആസൂത്രണത്തിലെ പാളിച്ചകൾ പരിഹരിക്കാൻ നടപടി സ്വീകരിക്കാതെ സർക്കാർ കേരളത്തെ ഇരുട്ടിലാഴ്ത്തുകയാണെന്ന് സിപിഐഎം ആരോപിച്ചു. നഗര-ഗ്രാമ വ്യത്യാസമില്ലാതെ മണിക്കൂറുകളോളം വൈദ്യുതി നിയന്ത്രണം ഏർപ്പെടുത്തുന്നത് ജനങ്ങളെ ബുദ്ധിമുട്ടിലാക്കുകയാണെന്ന് പാർട്ടി പ്രസ്താവനയിൽ പറഞ്ഞു. പീക്ക് അവറിൽ മാത്രം നിയന്ത്രണം ഏർപ്പെടുത്തുമെന്ന സർക്കാർ പ്രഖ്യാപനം പാലിക്കപ്പെടുന്നില്ലെന്നും, രാത്രി ഏഴ് മുതൽ 12 മണിവരെ പല സമയങ്ങളിലായി രണ്ട് മണിക്കൂർ വരെ വൈദ്യുതി മുടങ്ങുന്നുണ്ടെന്നും സിപിഐഎം ആരോപിച്ചു. മഴക്കുറവും വൈദ്യുതി ഉപയോഗ […]