തിരുവനന്തപുരം: സുകുമാരക്കുറുപ്പ് കേസ് നാല് പതിറ്റാണ്ടായി തീർപ്പാക്കാനാകാത്ത എൽപി (Long Pending) കേസാണെന്ന് ആഭ്യന്തര മന്ത്രി രമേശ് ചെന്നിത്തല. ബ്രൂണൈയിൽ സുകുമാരക്കുറുപ്പിനോട് സാദൃശ്യമുള്ള വയോധികനെ കണ്ടെത്തിയെന്ന വാർത്തകളുടെ പശ്ചാത്തലത്തിലാണ് മന്ത്രിയുടെ പ്രതികരണം. പുറത്തുവരുന്ന വിവരങ്ങളുടെ നിജസ്ഥിതി പരിശോധിക്കേണ്ടതുണ്ടെന്നും അദ്ദേഹം പറഞ്ഞു. നിലവിൽ പ്രചരിക്കുന്നത് അഭ്യൂഹങ്ങൾ മാത്രമാണെന്നും വിഷയത്തിൽ അന്വേഷണം നടത്തി റിപ്പോർട്ട് നൽകാൻ ക്രൈംബ്രാഞ്ച് എഡിജിപിയോട് നിർദേശിച്ചിട്ടുണ്ടെന്നും ചെന്നിത്തല വ്യക്തമാക്കി. ഇന്നലെ ഡിവൈഎസ്പി എച്ച്. വെങ്കിടേഷിനോട് റിപ്പോർട്ട് നൽകാൻ ആഭ്യന്തര മന്ത്രി നിർദേശിച്ചിരുന്നു. അന്വേഷണം നടക്കട്ടെയെന്നും അദ്ദേഹം […]