ആലപ്പുഴ: ആലപ്പുഴ തുറവൂരിൽ പൊലീസിന് നേരെ നടത്തിയ ആക്രമണത്തിൽ അഞ്ച് പേർ അറസ്റ്റിൽ. തുറവൂർ മഹാക്ഷേത്രത്തിലെ ഉത്സവത്തിനിടെ മദ്യപിച്ച് പ്രശ്നങ്ങൾ സൃഷ്ടിച്ച യുവാക്കളെ കസ്റ്റഡിയിൽ എടുക്കുന്നതിനിടെയായിരുന്നു സംഭവം. യുവാക്കൾ സംഘം ചേർന്ന് പൊലീസിനെ ആക്രമിക്കുകയായിരുന്നു. ഡ്യൂട്ടിയിൽ ഉണ്ടായിരുന്ന പുളിങ്കുന്ന് പൊലീസ് സ്റ്റേഷനിലെ സിവിൽ പൊലീസ് ഓഫീസർ ഹസീർ ഷും, ചേർത്തല സ്റ്റേഷനിലെ സിപിഒ സനൽ ഷും പരിക്കേറ്റു. പരിക്കേറ്റ ഉദ്യോഗസ്ഥർ ആശുപത്രിയിൽ ചികിത്സ തേടി. മർദനത്തിന്റെ ദൃശ്യങ്ങൾ പുറത്തു വന്നിട്ടുണ്ട്.

പാലക്കാട്: അട്ടപ്പാടിയിൽ ഭൂമിക്ക് തണ്ടപ്പേർ ലഭിക്കാത്തതിൽ മനംനൊന്ത് ജീവനൊടുക്കിയ കർഷകൻ കൃഷ്ണസ്വാമിയുടെ മരണത്തെ തുടർന്ന് പ്രദേശത്ത് പ്രതിഷേധം ശക്തമാക്കി. ബിജെപിയുടെ നേതൃത്വത്തിൽ അഗളി വില്ലേജ് ഓഫീസിലേക്ക് പ്രതിഷേധ മാർച്ച് സംഘടിപ്പിക്കും. കോൺഗ്രസ് നേതൃത്വത്തിൽ വില്ലേജ് ഓഫീസറെ ഉപരോധിക്കും. കൃഷ്‌ണസ്വാമിയുടെ ഭൂമി രേഖകളിൽ തിരിമറി നടത്തി മറ്റൊരാളുടെ പേരിലാക്കിയതാണെന്നാണ് കുടുംബവും നാട്ടുകാരും ആരോപിക്കുന്നത് . റവന്യൂ ഉദ്യോഗസ്ഥരാണ് കർഷകന്റെ ആത്മഹത്യയ്ക്ക് ഉത്തരവാദികളെന്ന് രാഷ്ട്രീയ കക്ഷികൾ ആരോപിക്കുന്നത്. സംഭവവുമായി ബന്ധപ്പെട്ട് റവന്യൂ ഉദ്യോഗസ്ഥർ ഇന്ന് ജില്ലാകലക്ടർക്ക് പ്രാഥമിക റിപ്പോർട്ട് സമർപ്പിക്കും. […]