തിരുവനന്തപുരം: ഓടിക്കൊണ്ടിരുന്ന കെഎസ്ആർടിസി ബസിന്‍റെ ടയർ ഊരിതെറിച്ച് അപകടം. നെടുമങ്ങാട് എട്ടാംകല്ല് റോഡിലാണ് നടന്നത്. മുന്നിലെ ഇടത് ടയറാണ് ബസിൽ നിന്ന് അഴിഞ്ഞ് തൊട്ടടുത്ത ഓടയിലേക്ക് തെറിച്ചത്. അപകടസമയത്ത് ബസിൽ നാലുപേർ മാത്രമേ ഉണ്ടായിരുന്നുള്ളൂ. ഡ്രൈവർ വേഗത്തിൽ ബസ് നിയന്ത്രണത്തിലാക്കി നിർത്തിയതോടെ വൻ ദുരന്തം ഒഴിവായി. തിരുവനന്തപുരത്തെ കിഴക്കേക്കോടയിൽ നിന്ന് നെടുമങ്ങാട്ടേക്ക് പോകുകയായിരുന്ന ബസിലാണ് സംഭവം നടന്നത്. ബസിൽ യാത്രക്കാരുടെ എണ്ണം കുറവായിരുന്നതിനാൽ അപകടത്തിന്റെ ഗൗരവം ഒഴിവാക്കാനായി. അധികൃതർ സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്.

പാലക്കാട്: തൃപ്പാളൂരിൽ ഇന്നലെ ഉദ്ഘാട ചെയ്ത തൂക്കുപാലത്തിന്റെ കൈവരികൾ പൊട്ടിവീണു. ഗായത്രിപ്പുഴയ്ക്കു കുറുകെ ശിവക്ഷേത്രത്തിലേക്ക് ചേർന്ന് നിർമ്മിച്ച പാലത്തിന്റെ കൈവരി കമ്പികളാണ് നിലത്ത് വീണത്. ഈ പാലം 5 കോടി രൂപ ചെലവഴിച്ചാണ് നിർമ്മിച്ചെടുത്തത്. പാലത്തിന് പുറമേ ഓപ്പൺ സ്റ്റേജ്, ടോയ്‌ലറ്റ് ബ്ലോക്ക്, ലൈറ്റുകൾ എന്നിവ ഉൾപ്പെടുന്ന അനുബന്ധ സൗകര്യങ്ങളും ഒരുക്കിയിട്ടുണ്ട്. പാലത്തിന്റെ നിർമാണം കെ.ഡി. പ്രസന്നൻ എംഎൽഎയുടെ നിർദ്ദേശപ്രകാരം ബജറ്റ് വിഹിതം ഉപയോഗിച്ചാണ് നടപ്പിലാക്കിയത്. ഉദ്ഘാടനത്തിനിടയിൽ തന്നെ കൈവരികളുടെ തകരാർ ചിലർ ശ്രദ്ധയിൽ പെടുത്തിയിരുന്നു. നാട്ടുകാർ […]

കോഴിക്കോട്: പാളയം മാർക്കറ്റ് കല്ലുത്താൻ കടവിലേക്ക് മാറ്റുന്നതിൽ പാളയത്ത് വ്യാപാരികളും തൊഴിലാളികളും നടത്തിയ പ്രതിഷേധം സംഘർഷത്തിലേക്ക്. കല്ലുത്താൻ കടവിലെ പുതിയ മാർക്കറ്റ് കെട്ടിടം മുഖ്യമന്ത്രി അൽപ്പ സമയത്തിനകം ഉദ്ഘാടനം ചെയ്യാനിരിക്കേയാണ് പ്രതിഷേധം ഉണ്ടായത്. പാളയം മാർക്കറ്റിനെ അനുകൂലിക്കുന്നവരും എതിർക്കുന്നവരും തമ്മിലാണ് സംഘർഷമുണ്ടായത്. ഒരു വിഭാ​ഗം വ്യാപാരികൾ മാർക്കറ്റ് മാറ്റുന്നതിനെതിരെ പ്രതിഷേധിച്ചിരുന്നു. ഇതിനിടെ, കല്ലുത്താൻ കടവിലേക്ക് മാറ്റുന്നതിനെ അനുകൂലിക്കുന്നവർ പ്രകടനമായി എത്തി. ഇവരെ പ്രതിഷേധാക്കാർ കൂകി വിളിച്ചതാണ് സംഘർഷത്തിലേക്ക് നയിച്ചത്. പൊലീസുമായി ഉന്തും തള്ളുമുണ്ടാവുകയും സംഘർഷമുണ്ടാവുകയുമായിരുന്നു. അതേസമയം, സമരവുമായി […]