തിരുവനന്തപുരം: കേരള രാജ്ഭവനിൽ മാംസാഹാരവും മത്സ്യവും പാചകം ചെയ്യുന്നത് നിരോധിച്ചെന്ന റിപ്പോർട്ടുകളിൽ രൂക്ഷ വിമർശനവുമായി എഐസിസി ജനറൽ സെക്രട്ടറി കെ.സി. വേണുഗോപാൽ. നിയുക്ത ഗവർണർ ഓം പ്രകാശ് മാഥൂർ അധികാരമേൽക്കുന്നതിന് മുമ്പുതന്നെ ഇത്തരമൊരു നിർദേശം നൽകിയത് കേരളത്തിന്റെ സാമൂഹിക സാഹചര്യം മനസ്സിലാക്കാതെയുള്ള നടപടിയാണെന്ന് അദ്ദേഹം വിമർശിച്ചു. സംഘപരിവാറിന്റെ കാവി അജണ്ട കേരളത്തിൽ നടപ്പാക്കുന്നതിന്റെ ആദ്യഘട്ടമാണിതെന്നും കെ.സി. വേണുഗോപാൽ ആരോപിച്ചു. സമ്മിശ്രമായ ഭക്ഷണസംസ്കാരമുള്ള നാടാണ് കേരളമെന്നും തീരദേശ സംസ്ഥാനമായ ഇവിടെ മത്സ്യസമ്പത്ത് ധാരാളമുണ്ടെന്നും അദ്ദേഹം ചൂണ്ടിക്കാട്ടി. വെജിറ്റേറിയനായും നോൺ […]

തിരുവനന്തപുരം: എസ്എംഎ മരുന്ന് വിവാദത്തിൽ വിശദീകരണവുമായി ആരോഗ്യമന്ത്രി കെ. മുരളീധരൻ. രോഗികൾക്കും രക്ഷിതാക്കൾക്കും ആശങ്കയുണ്ടാകരുതെന്ന് കരുതിയാണ് മരുന്ന് തിരിച്ചെടുത്തതെന്ന് മന്ത്രി വാർത്താസമ്മേളനത്തിൽ പറഞ്ഞു. മരുന്ന് തിരിച്ചെടുത്തില്ലെങ്കിലും പ്രശ്നങ്ങളൊന്നും ഉണ്ടാകുമായിരുന്നില്ല. എന്നാൽ, തെറ്റായ വാർത്തകൾ പ്രചരിച്ചതോടെയാണ് നടപടി സ്വീകരിക്കേണ്ടിവന്നതെന്നും അദ്ദേഹം വ്യക്തമാക്കി. ഡോക്ടർമാർ രോഗികളോടും രക്ഷിതാക്കളോടും സംസാരിച്ച് മരുന്നിനെക്കുറിച്ചുള്ള കാര്യങ്ങൾ ബോധ്യപ്പെടുത്തിയിരുന്നു. സുപ്രീം കോടതി പോലും അംഗീകരിച്ച മരുന്നാണ് നൽകിയതെന്നും മരുന്ന് അനുയോജ്യമാണെന്ന് വിദഗ്ധർ വ്യക്തമാക്കിയിരുന്നുവെന്നും മന്ത്രി പറഞ്ഞു. രക്ഷിതാക്കൾക്കിടയിൽ ആശങ്ക സൃഷ്ടിക്കുന്നതിൽ വിദേശ മരുന്ന് കമ്പനികൾ ഇടപെട്ടതായും […]

തിരുവനന്തപുരം: തിരുവനന്തപുരത്ത് മുഖ്യ തെരഞ്ഞെടുപ്പ് ഓഫീസർ ഡി. സജിത്ത് ബാബു വിളിച്ചുചേർത്ത യോഗം ബഹിഷ്കരിച്ച് എൽഡിഎഫ് പ്രതിനിധികൾ. എസ്‌ഐആറിന്റെ ഭാഗമായി വോട്ടർപട്ടികയിൽനിന്ന് ഒഴിവാക്കിയ പേരുകൾ പുനഃസ്ഥാപിക്കണമെന്ന് ആവശ്യപ്പെട്ടാണ് എം.വി. ജയരാജനും സത്യൻ മൊകേരിയും യോഗത്തിൽനിന്ന് ഇറങ്ങിപ്പോയത്. സംസ്ഥാനത്ത് എസ്‌ഐആറിന്റെ ഭാഗമായി 24 ലക്ഷത്തിലേറെ വോട്ടുകൾ ഒഴിവാക്കിയെന്ന് എൽഡിഎഫ് പ്രതിനിധികൾ ചൂണ്ടിക്കാട്ടി. എന്നാൽ, ഒഴിവാക്കിയ വോട്ടുകൾ പുനഃസ്ഥാപിക്കാൻ തനിക്ക് അധികാരമില്ലെന്ന് മുഖ്യ തെരഞ്ഞെടുപ്പ് ഓഫീസർ വ്യക്തമാക്കി. എസ്‌ഐആറുമായി ബന്ധപ്പെട്ട വിഷയം തന്റെ അധികാരപരിധിയിൽ വരുന്നതല്ലെന്നും പരാതിയുമായി മുഖ്യ തെരഞ്ഞെടുപ്പ് […]