തൃശൂര്‍: കയ്പമംഗലത്ത് ഏഴ് വിദ്യാർഥികളടക്കം എട്ട് പേരുടെ മരണത്തിനിടയാക്കിയ വാഹനാപകടത്തിൽ ദേശീയപാത അതോറിറ്റി ഓഫ് ഇന്ത്യയ്ക്ക് (എൻഎച്ച്എഐ) വീഴ്ചയില്ലെന്ന് അധികൃതർ. അമിതവേഗതയും അനധികൃത പാർക്കിങ്ങുമാണ് അപകടത്തിന് കാരണമായതെന്നാണ് എൻഎച്ച്എഐയുടെ വിശദീകരണം. നിർമാണ പ്രവർത്തനങ്ങൾ നടക്കുന്ന സ്ഥലത്ത് ആവശ്യമായ സുരക്ഷാ സംവിധാനങ്ങൾ ഒരുക്കിയിരുന്നുവെന്നും അന്വേഷണവുമായി പൂർണമായി സഹകരിക്കുമെന്നും എൻഎച്ച്എഐ വാർത്താക്കുറിപ്പിൽ അറിയിച്ചു. അതേസമയം, അപകടത്തിന് റോഡിന്റെ ഡിസൈൻ ഉൾപ്പെടെയുള്ള ഘടകങ്ങൾ കാരണമായിട്ടുണ്ടോയെന്ന് പരിശോധിക്കാൻ ദേശീയപാത അതോറിറ്റിയോട് ആവശ്യപ്പെടുമെന്ന് കെ.സി. വേണുഗോപാൽ എംപി പറഞ്ഞു. മനുഷ്യജീവനാണ് ഏറ്റവും പ്രധാനമെന്നും ദേശീയപാത […]