June 21, 2025 - Whiteswan TV News

അജ്ഞാത വ്യക്തിയെ ട്രെയിനിൽ നിന്ന് വീണ് മരിച്ച നിലയിൽ കണ്ടെത്തി

June 21, 2025

കോഴിക്കോട്: കോഴിക്കോട് വടകരയിൽ അജ്ഞാത വ്യക്തിയെ ട്രെയിനിൽ നിന്ന് വീണ് മരിച്ച നിലയിൽ കണ്ടെത്തി. വടകര വണ്ണാത്തി ഗേറ്റിലാണ് വെള്ളിയാഴ്ച രാത്രിയോടെ അപകടമുണ്ടായത്. മംഗളൂരു – പുതുച്ചേരി എക്സ്പ്രസ് ട്രാക്കിലൂടെ കടന്നു പോയതിനു പിന്നാലെയാണ് മൃതദേഹം കണ്ടെത്തിയത്. മൃദദേഹം ആരുടെതെന്ന് കണ്ടെത്താനായില്ല. രാത്രി 7.20ഓടെയാണ് നാട്ടുകാർ മൃതദേഹം കണ്ടെത്തിയത്. പിന്നാലെ പൊലീസ് ഉൾപ്പെടെയുള്ള അധികൃതരെ വിവരം അറിയിച്ചു. മൃതദേഹം പിന്നീട് വടകരയിലെ ജില്ലാ ആശുപത്രിയി മോർച്ചറിയിലേക്ക് മാറ്റി.

സ്വർണവിലയിൽ വർധന; പവന് 200 രൂപ കൂടി

June 21, 2025

സംസ്ഥാനത്ത് സ്വർണവിലയിൽ വർധന. പവന് 200 രൂപ വർധിച്ച് 73,880 രൂപയും ഗ്രാമിന് 25 രൂപ കൂടി 9,235 രൂപയുമാണ് ഇന്നത്തെ നിരക്ക്.18 കാരറ്റ് സ്വര്‍ണത്തിനും വില ഉയർന്നു. ഗ്രാമിന് 20 രൂപ കൂടി 7575 രൂപയ്ക്കാണ് വ്യാപാരം. എന്നാല്‍ വെള്ളിവിലയിൽ ഇന്ന് മാറ്റമില്ല. ഗ്രാമിന് 118 രൂപ നിരക്കിലാണ് വ്യാപാരം. Content: Gold prices increase; Pawan increases by Rs 200

അന്താരാഷ്ട്ര യോഗ ദിനാചരണം: യോഗാ സംഗമ പരിപാടി ഉദ്ഘാടനം ചെയ്ത് പ്രധാനമന്ത്രി നരേന്ദ്രമോദി

June 21, 2025

പതിനൊന്നാമത് അന്താരാഷ്ട്ര യോഗ ദിനാചരണത്തിന്റെ ഭാഗമായി വിശാഖപട്ടണത്ത് മൂന്ന് ലക്ഷത്തിലധികം ആളുകൾ പങ്കെടുക്കുന്ന യോഗാ സംഗമ പരിപാടി ഉദ്ഘാടനം ചെയ്ത് പ്രധാനമന്ത്രി നരേന്ദ്രമോദി. യോഗ ലോകത്തെ ഒന്നിപ്പിക്കുന്ന ഒന്നാണെന്നും തുടർച്ചയായി പതിനൊന്നാം തവണയാണ് യോഗയിലൂടെ ലോകം ഒന്നിക്കുന്നതെന്നും പ്രധാനമന്ത്രി പറഞ്ഞു. കോടികണക്കിന് പേരുടെ ജീവിതത്തിന്റെ ഭാഗമാണ് യോഗ. ഞാൻ എന്നതിൽ നിന്ന് നമ്മൾ എന്ന ഭാവവും ഭാരത സംസ്കാരത്തിന്റെ ഭാഗമാണെന്നും അദ്ദേഹം പറഞ്ഞു. മികച്ച രീതിയിൽ വിശാഖപട്ടണത്ത് യോഗസംഗമം സംഘടിപ്പിച്ച ആന്ധ്ര മുഖ്യമന്ത്രി ചന്ദ്രബാബു നായിഡുവിനെയും മന്ത്രി […]

അഹമ്മദാബാദ് വിമാനാപകടം: കാണാതായ സംവിധായകൻ മരിച്ചതായി ഔദ്യോഗിക സ്ഥിരീകരണം

June 21, 2025

അഹമ്മദാബാദ്: എയർ ഇന്ത്യാ വിമാനപകടത്തിൽ ഗുജറാത്തി ചലച്ചിത്രകാരൻ മഹേഷ് ജിറാവാല മരിച്ചതായി ഔദ്യോഗികമായി സ്ഥിരീകരിച്ചു. അപകടത്തിൽപ്പെട്ട വിമാനത്തിലെ യാത്രക്കാരനായിരുന്നില്ല മഹേഷ്. വിമാനം വീണ് തീപ്പിടിച്ച സ്ഥലത്ത് മഹേഷ് ഉണ്ടായിരുന്നുവെന്നാണ് പുറത്ത് വന്നിരിക്കുന്ന റിപ്പോർട്ട്. സംഭവദിവസം ഷാഹിബാഗിന് സമീപത്തുനിന്ന് ഇദ്ദേഹത്തെ കാണാതായതായി റിപ്പോർട്ടുകളുണ്ടായിരുന്നു. മഹേഷ് കലവാഡിയ എന്നാണ് അദ്ദേഹത്തിന്റെ യഥാർത്ഥ പേര്. അപകടസ്ഥലത്തുനിന്ന് മഹേഷ് ജിറാവാലയുടെ സ്കൂട്ടർ കത്തിക്കരിഞ്ഞ നിലയിൽ കണ്ടെത്തിയിരുന്നു. കൂടാതെ അദ്ദേഹത്തിന്റെ മൊബൈൽ ഫോൺ ഓഫാകുന്നതിനുമുൻപ് അവസാനം ട്രാക്ക് ചെയ്തതും ഇതേ സ്ഥലത്തായിരുന്നു. ഇതെല്ലാം അദ്ദേഹം […]

കനത്ത ചൂട് അനുഭവപ്പെടും; കുവൈത്തിൽ അൽ തുവൈബ സീസൺ ആരംഭിച്ചു

June 21, 2025

കുവൈത്ത് സിറ്റി: കുവെെത്തിൽ ചൂട് വ‍ർധിക്കുന്നു. രാജ്യം പുതിയ വേനൽക്കാലം ആരംഭിക്കാൻ തയ്യാറെടുക്കുകയാണെന്ന് അൽ-അജൈരി സയന്‍റിഫിക് സെന്റർ വ്യക്തമാക്കി. ജൂൺ 20 മുതൽ ‘തുവൈബ നക്ഷത്രോദയം’ എന്ന പ്രാദേശിക ഗ്രീഷ്മകാലഘട്ടം ആരംഭിക്കുമെന്നും സയന്‍റിഫിക് സെന്റർ വ്യക്തമാക്കി. ഈ ഗ്രീഷ്മകാലഘട്ടം 13 ദിവസത്തെ ദൈർഘ്യമുള്ളതായിരിക്കും. ദീർഘമായ ദിവസങ്ങളും ഉയർന്ന താപനിലയും ഈ കാലഘട്ടത്തിൽ അനുഭവപ്പെടും. ഈ സമയത്ത് ഉച്ചയ്ക്കും മധ്യാഹ്ന സമയങ്ങളിലും താപനില കൂടുതലായിരിക്കും, ഈ നക്ഷത്തിന്റെ ഉദയം മഴക്കാലത്തിന്റെ അവസാനവും കൂടിയാണ്. വർഷത്തിലെ ഏറ്റവും ദൈർഘ്യമുള്ള ദിവസം […]

ആറ് മാസത്തേക്കെങ്കിലും കാട്ടുപന്നിയെ ക്ഷുദ്രജീവിയായി പ്രഖ്യാപിക്കണം കേന്ദ്രത്തോട് കേരളത്തിന്റെ ആവശ്യം

June 21, 2025

തിരുവനന്തപുരം: കാട്ടുപന്നിയെ ക്ഷുദ്രജീവിയായി പ്രഖ്യാപിക്കണമെന്നും കാട്ടുപന്നികളുടെ ആക്രമണങ്ങള്‍ കൂടുതല്‍ കണ്ടെത്തിയ വില്ലേജുകളില്‍ എങ്കിലും കുറഞ്ഞത് ആറ് മാസത്തേക്കെങ്കിലും അത്തരമൊരു പ്രഖ്യാപനം നടത്തണമെന്നും സംസ്ഥാന വനം വകുപ്പ് കേന്ദ്രത്തോട് ആവശ്യപ്പെട്ടു. മനുഷ്യ-വന്യജീവി സംഘര്‍ഷം തടയുന്നതിനായി 1972-ലെ വന്യജീവി സംരക്ഷണ നിയമം ഭേദഗതി ചെയ്യണം, കാട്ടുപന്നിയെ ക്ഷുദ്രജീവിയായി പ്രഖ്യാപിക്കണം എന്നിവ ഉള്‍പ്പെടെയുള്ള ആവശ്യങ്ങള്‍ ഉന്നയിച്ച് വനം മന്ത്രി എ.കെ.ശശീന്ദ്രന്‍ കേന്ദ്ര വനം -പരിസ്ഥിതി വകുപ്പുമന്ത്രിക്ക് വീണ്ടും കത്തയച്ചു.കേന്ദ്ര വന്യജീവി സംരക്ഷണ നിയമം ജനവാസ കേന്ദ്രങ്ങളിലിറങ്ങുന്ന വന്യമൃഗങ്ങളുടെ ആക്രമണം തടയുന്നതില്‍ ചീഫ് […]

ബൈക്കിടിച്ച് ഗുരുതരാവസ്ഥയില്‍ ചികിത്സയിലായിരുന്ന വയോധിക മരിച്ചു

June 21, 2025

തിരുവനന്തപുരം: ബൈക്കിടിച്ച് പരിക്കേറ്റ് ചികിത്സയിലായിരുന്ന വയോധിക മരിച്ചു. വെള്ളായണി ശാന്തിവിള സ്വദേശി കമലമ്മ (77) യാണ് ഇന്നലെ മരിച്ചത്. ചൊവ്വാഴ്ച രാവിലെ നേമം താലൂക്ക് ആശുപത്രിക്ക് സമീപത്ത് വെച്ചാണ് കമലമ്മയെ ബൈക്കിടിച്ച് പരുക്കേൽപ്പിച്ചത്. അപകടത്തിൽ തലയ്ക്ക് ഗുരുതരമായി പരിക്കേറ്റ കമലമ്മയെ ആദ്യം താലൂക്ക് ആശുപത്രിയിലും പിന്നീട് മെഡിക്കല്‍കോളെജ് ആശുപത്രിയിലും പ്രവേശിപ്പിച്ചെങ്കിലും ഇന്നലെ വൈകിട്ടോടെ മരിച്ചു.

ഇസ്രയേൽ ആക്രമണം; ഗാസയിൽ വെള്ളിയാഴ്ച മാത്രം കൊല്ലപ്പെട്ടത് 82 പേർ

June 21, 2025

ഗാസ: ഇസ്രയേൽ ആക്രമണത്തിൽ ഗാസയിൽ ഇന്നലെ മാത്രം കൊല്ലപ്പെട്ടത് 82 പേർ. സഹായം കാത്ത് നിന്ന ഗാസയിലെ 34ഓളം പാലസ്തീനികൾ അടക്കമാണ് ഇസ്രയേൽ ആക്രമണത്തിൽ കൊല്ലപ്പെട്ടതെന്നാണ് പുറത്തു വരുന്ന റിപ്പോർട്ട്. പടിഞ്ഞാറൻ ‘ദെയ്ർ എൽ-ബലാഹി’ലെ ഒരു വീടിന് നേരെ യുദ്ധവിമാനങ്ങൾ നടത്തിയ ബോംബാക്രമണത്തിൽ കൊല്ലപ്പെട്ടവരും ഇക്കുട്ടത്തിലുൾപ്പെടും. മധ്യ ഗാസയിൽ മാത്രം 37 പേർ കൊല്ലപ്പെട്ടതായാണ് റിപ്പോർട്ട്. ഇതിൽ 23 ആളുകൾ സഹായം കാത്ത് നിന്നവരാണ്. ഗാസയിലെ സർ‌ക്കാർ മാധ്യമ ഓഫീസിൻ്റെ കണക്ക് പ്രകാരം സഹായം കാത്ത് നിന്ന […]

‘സംഗീത൦’ അറിയും തോറും അകലം കൂടുന്ന മഹാസാഗരം

June 21, 2025

പാട്ടുകളെ ഇഷ്ടപ്പെടാത്തവരായി ആരുമില്ല അല്ലെ? മനുഷ്യരുടെ ഓരോ വികാരങ്ങളും അവർക്ക് കൂട്ടായി എപ്പോഴു ഒരു പാട്ടുണ്ടാകും. പാട്ടുകളെ ഇഷ്ടപ്പെടുന്നവർ പലതാണ്, പല തരമാണ്,പലവികാരമാണ്, അത് ഇങ്ങനെ നീളുന്നു… സംഗീത൦ എന്ന് പറയുന്നത് അങ്ങനെയാണ് വേദനകളെ പോലും വേദാന്തമാക്കുന്ന സപ്തസ്വരങ്ങൾ. ഇന്നത്തെ കാലത്ത് പലതരം പാട്ടുകളാണുള്ളത്, മെലഡി റാപ് പോപ്പ് അങ്ങനെ നീളുകയാണ് ഓരോ ടൈപ്പ് പാട്ടുകളും. എന്നാലും ഇന്ന് ആധുനികത എല്ലാ വശത്തുനിന്നും മനുഷ്യനെ മൂടുന്നെങ്കിലും ആ പഴയ ഗാനങ്ങളുടെ ശ്രുതിമധുരത്തിന് അന്നുമിന്നും മലയാളി ഹൃദയങ്ങളിൽ ആഴത്തിൽ […]

ആലപ്പുഴയിൽ വീണ്ടും തെരുവ് നായ ആക്രണം; 45 കാരന് കടിയേറ്റു

June 21, 2025

ആലപ്പുഴ: ആലപ്പുഴ ചമ്പക്കുളത്ത് 45 കാരനെ തെരുവ് നായ ആക്രമിച്ചു. ചമ്പക്കുളം സ്വദേശി ടിറ്റോയ്ക്കാണ് തെരുവ് നായയുടെ കടിയേറ്റത്. കടിച്ച നായയ്ക്ക് പേവിഷബാധ സ്ഥിരീകരിച്ചിട്ടുണ്ട്. ടിറ്റോ തന്നെയാണ് നായയെ പിടികൂടി പരിശോധനയ്ക്ക് കൊണ്ടുപോയത്. സംസ്ഥാനത്ത് തെരുവ് നായ ആക്രമണം നിലവിൽ രൂക്ഷമാകുകയാണ്. വിവിധ ജില്ലകളിലായി കഴിഞ്ഞ ദിവസങ്ങളിൽ തെരുവ് നായ ആക്രമണം രൂക്ഷമായി തുടരുകയാണ്. കഴിഞ്ഞ ദിവസം ഇടുക്കി മൂന്നാറില്‍ ദേവികുളത്ത് സര്‍ക്കാര്‍ സ്‌കൂളിലെ അഞ്ചു വിദ്യാര്‍ത്ഥികള്‍ക്ക് തെരുവ് നായയുടെ ആക്രമണത്തില്‍ പരിക്കേറ്റിരുന്നു.