December 17, 2025 - Whiteswan TV News

വാണിയംകുളത്ത് കുപ്പിയിൽ പെട്രോൾ നൽകാത്തതിന്‍റെ പേരില്‍ ഭീഷണി

December 17, 2025

പാലക്കാട്: കുപ്പിയിൽ പെട്രോൾ നൽകാത്തതിന്‍റെ പേരില്‍ ഭീഷണി. പാലക്കാട് വാണിയംകുളം ടൗണിലെ കെ എം പെട്രോൾ പമ്പിലാണ് സംഭവം നടന്നത്. കഴിഞ്ഞ ദിവസം രാത്രിയാണ് മൂന്ന് പേരടങ്ങിയ സംഘം ഓട്ടോറിക്ഷയിൽ പമ്പിൽ എത്തിയത്. ബോട്ടിൽ കൈവശമില്ലെന്നും ഒരു ബോട്ടിലിൽ പെട്രോൾ നിറച്ച് തരണമെന്നും ഓട്ടോറിക്ഷയിൽ എത്തിയവർ പമ്പിലെ ജീവനക്കാരോട് ആവശ്യപ്പെട്ടു. ബോട്ടിൽ ഇവിടെ ഇല്ലെന്നും കൊണ്ടുവരണമെന്നും ജീവനക്കാർ പറഞ്ഞു. ഓട്ടോറിക്ഷയിൽ ഉണ്ടായിരുന്ന രണ്ടു പേർ പുറത്തിറങ്ങി ബോട്ടിൽ പമ്പിൽ ഉണ്ടോയെന്ന് പരിശോധിക്കുകയും അതിനിടയിൽ ജീവനക്കാരെ അസഭ്യം പറയുകയും […]

കോഴിക്കോട് ബീച്ച് റോഡില്‍ ബൈക്കുകള്‍ കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം; അപകടം പുലര്‍ച്ചെ മൂന്നു മണിക്ക്

December 17, 2025

കോഴിക്കോട് : കോഴിക്കോട് ബീച്ച് റോഡില്‍ ബൈക്കുകള്‍ കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം. കണ്ണൂര്‍ സ്വദേശി മര്‍വാന്‍, കോഴിക്കോട് കക്കോടി സ്വദേശി ജുബൈദ് എന്നിവരാണ് മരിച്ചത്. സൗത്ത് ബീച്ച് പെട്രോള്‍ പമ്പിന് സമീപത്ത് ഇന്ന് പുലര്‍ച്ചെ മൂന്നു മണിയോടെയാണ് അപകടമുണ്ടായത്. ഗുരുതരമായി പരിക്കേറ്റ മറ്റു രണ്ടു പേരെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു.

കൊച്ചി മേയര്‍ സ്ഥാനത്തിനായി കോണ്‍ഗ്രസില്‍ പിടിവലി

December 17, 2025

കൊച്ചി: കൊച്ചി മേയര്‍ സ്ഥാനത്തിനെതിരെ കോണ്‍ഗ്രസില്‍ പിടിവലി. കെപിസിസി ജനറല്‍ സെക്രട്ടറി ദീപ്തി മേരി വര്‍ഗീസ് മേയറാകുന്നത് തടയാനായി പാര്‍ട്ടിയിലെ ചില വിഭാഗം നേതാക്കള്‍ രംഗത്തുവന്നതായി സൂചനകൾ ലഭിച്ചിട്ടുണ്ട്. പാര്‍ലമെന്‍ററി പാര്‍ട്ടി യോഗത്തിലെ ഭൂരിപക്ഷം അടിസ്ഥാനമാക്കി മേയറെ തീരുമാനിക്കണം എന്ന നിലപാടിലാണ് ഇവര്‍ ശക്തമായി ഉന്നയിക്കുന്നത്. ദീപ്തി മേരി വര്‍ഗീസ്, ഷൈനി മാത്യു, വി കെ മിനിമോള്‍ എന്നിവരിലൊരാളായിരിക്കും കൊച്ചിയുടെ പുതിയ മേയറെന്ന് കോണ്‍ഗ്രസ് നേതാക്കള്‍ സമ്മതിച്ചെങ്കിലും, ഏതുവഴിയിലാണ് ഇത് തീരുമാനിക്കപ്പെടുക എന്ന കാര്യത്തില്‍ സംശയം നിലനില്‍ക്കുകയാണ്.

മോഹന്‍ലാല്‍ നായകനായി വൃഷഭ, ട്രെയിലര്‍ പുറത്ത്

December 17, 2025

മോഹന്‍ലാല്‍ നായകനായി ഇനി വരാനിരിക്കുന്ന ചിത്രമാണ് വൃഷഭ. ഈ വര്‍ഷം ഡിസംബര്‍ 25 ന് ആണ് ചിത്രം ആഗോള റിലീസായി എത്തുക. കന്നഡ സംവിധായകന്‍ നന്ദകിഷോര്‍ രചനയും സംവിധാനവും നിര്‍വഹിച്ച ചിത്രം, കണക്റ്റ് മീഡിയയും ബാലാജി ടെലിഫിലിംസും, അഭിഷേക് എസ് വ്യാസ് സ്റ്റുഡിയോയും ചേര്‍ന്നാണ് അവതരിപ്പിക്കുന്നത്. ശോഭ കപൂര്‍, ഏക്താ ആര്‍ കപൂര്‍, സികെ പത്മകുമാര്‍, വരുണ്‍ മാത്തൂര്‍, സൌരഭ് മിശ്ര, അഭിഷേക് വ്യാസ്, വിശാല്‍ ഗുര്‍നാനി, പ്രവീര്‍ സിംഗ്, ജൂഹി പരേഖ് മേത്ത എന്നിവര്‍ ചേര്‍ന്ന് […]

രാഹുല്‍ മാങ്കൂട്ടത്തിലിന് എതിരായ ബലാത്സംഗ കേസിലെ രണ്ടാം പ്രതി ജോബി ജോസഫിന്റെ മുന്‍കൂര്‍ ജാമ്യ ഹര്‍ജി ഇന്ന് പരിഗണിക്കും

December 17, 2025

പാലക്കാട്: രാഹുല്‍ മാങ്കൂട്ടത്തിലിന് എതിരായ ആദ്യ ബലാത്സംഗ കേസില്‍ രണ്ടാം പ്രതി ജോബി ജോസഫിന്റെ മുന്‍കൂര്‍ ജാമ്യ ഹര്‍ജി ഇന്ന് പരിഗണിക്കും. ഗര്‍ഭഛിദ്രത്തിനുള്ള മരുന്ന് എത്തിച്ചത് രാഹുലിന്റെ സുഹൃത്തായ ജോബി ജോസഫെന്നാണ് കേസ്. തിരുവനന്തപുരം പ്രിന്‍സിപ്പല്‍ സെഷന്‍സ് കോടതിയാണ് ഹര്‍ജി പരിഗണിക്കുക. എന്നാല്‍ മരുന്ന് എത്തിച്ചത് യുവതി ആവശ്യപ്പെട്ടത് കൊണ്ടാണെന്നും മരുന്ന് എന്തിനുള്ളതാണെന്ന് തനിക്ക് അറിയില്ലെന്നുമാണ് ഹര്‍ജിയില്‍ ജോബി ജോസഫ് പറയുന്നത്. ഗര്‍ഭഛിദ്രത്തിനുള്ള മരുന്ന് കഴിച്ച യുവതി അപകടാവസ്ഥയിലായതിനെ തുടര്‍ന്ന് രണ്ട് ആശുപത്രികളില്‍ ചികിത്സ തേടിയതിന്റെ രേഖകള്‍ […]

നാട്ടകം ഷൂട്ടിങ് റേഞ്ചിന്റെ സ്ഥലം ഗവണ്മെന്റ് ഏറ്റെടുക്കുന്നു

December 17, 2025

കോട്ടയം: നാട്ടകം ഷൂട്ടിങ് റേഞ്ചിന്റെ സ്ഥലം ഏറ്റെടുത്ത് സർക്കാർ. നാട്ടകം പോളിടെക്നിക് കോളജിനുള്ളിലെ അൻപതു സെന്റ് സ്ഥലത്ത് ജില്ലാ റൈഫിൾ അസോസിയേഷന്റെ പേരിലുള്ള സ്ഥലത്തെ ഷൂട്ടിങ് റേഞ്ച് ഒഴിഞ്ഞു നൽകണമെന്ന് ആവശ്യപ്പെട്ട് ഉന്നതവിദ്യാഭ്യാസ വകുപ്പ് ഉത്തരവ് ഇറക്കി. ഇതോടെ നാട്ടകം ഷൂട്ടിങ് റേഞ്ചിൽ പരിശീലിച്ചിരുന്ന ജില്ലയിലെ ഷൂട്ടർമാർ തൊടുപുഴ മുട്ടത്തെ ഷൂട്ടിങ് റേഞ്ചിൽ പരിശീലനത്തിനായി പോകേണ്ട സ്ഥിതിയാണ്. ക്ലബ്ബിൽ അഞ്ഞൂറ് അംഗങ്ങളാണ് ജില്ലാ റൈഫിൾ അസോസിയേഷനിലുള്ളത്.0.22 റൈഫിൾ, 3.2, 2.2 പിസ്റ്റളുകൾ എന്നിവയുടെ പരിശീലനത്തിനുള്ള സൗകര്യമാണ് നാട്ടകത്തുണ്ടായിരുന്നത്. […]

കോതമംഗലത്ത് ബൈക്കും ലോറിയും കൂട്ടിയിടിച്ച് അപകടം; വിദ്യാർത്ഥി മരിച്ചു

December 17, 2025

കൊച്ചി: കോതമംഗലം കാരക്കുന്നത്ത് ബൈക്ക് ലോറിയിലിടിച്ചുണ്ടായ അപകടത്തിൽ വിദ്യാർത്ഥി മരിച്ചു. ആലപ്പുഴ സ്വദേശി വിഷ്ണു ആണ് മരിച്ചത്. കൂടെയുണ്ടായിരുന്ന പത്തനംതിട്ട സ്വദേശി ആരോമൽ, തൃശൂർ സ്വദേശി ആദിത്യൻ എന്നിവർക്ക് പരിക്കേറ്റു. പുതുപ്പാടി യൽദോ മാർ ബസേലിയോസ് കോളേജ് ബിസിഎ മൂന്നാം വർഷ വിദ്യാർത്ഥികളാണ് മൂവരും. പരിക്കേറ്റ വിദ്യാർത്ഥികൾ ആശുപത്രിയിൽ ചികിത്സയിലാണ്.

തിരഞ്ഞെടുപ്പ് ആഹ്ലാദപ്രകടനങ്ങൾ അക്രമത്തിലേക്ക്; വടക്കേകാട്ട് 15 പേർ അറസ്റ്റിൽ

December 17, 2025

തൃശ്ശൂർ: വടക്കേകാട് പോലീസ് സ്റ്റേഷൻ പരിധിയിൽ തെരഞ്ഞെടുപ്പുമായി ബന്ധപ്പെട്ട ആഹ്ലാദപ്രകടനങ്ങൾക്കിടെ നടന്ന അക്രമ സംഭവങ്ങളുമായി ബന്ധപ്പെട്ട് 15 പേരെ പോലീസ് അറസ്റ്റ് ചെയ്തു. രണ്ടിടങ്ങളിലായി നടന്ന സംഭവങ്ങളിൽ വധശ്രമം ഉൾപ്പെടെ നാല് കേസുകളാണ് രജിസ്റ്റർ ചെയ്തിരിക്കുന്നത്. വടക്കേകാട് പോലീസ് ഇൻസ്പെക്ടർ എം. കെ. രമേശിന്റെ നേതൃത്വത്തിലുള്ള അന്വേഷണ സംഘമാണ് പ്രതികളെ പിടികൂടിയത്.കിഴക്കേ ചെറായിയിൽ നടന്ന ആഹ്ലാദപ്രകടനത്തിനിടെ പ്രതികൾ മാരകായുധങ്ങളുമായി ഇടിച്ചുകയറി പ്രകടനത്തിൽ പങ്കെടുത്തവരെ ആക്രമിക്കുകയും എരമംഗലം സ്വദേശിയെ വധിക്കാൻ ശ്രമിക്കുകയും ചെയ്ത കേസിൽ മൂന്ന് പേരെ അറസ്റ്റ് […]

പഴഞ്ഞി പെരുന്തുരുത്തി നെല്ലിക്കൽ വിജയൻ നിര്യാതനായി

December 17, 2025

തൃശ്ശൂർ: പഴഞ്ഞി പെരുന്തുരുത്തി നെല്ലിക്കൽ വിജയൻ (78) നിര്യാതനായി. വാർധക്യസഹജമായ അസുഖത്തെ തുടർന്ന് ചികിത്സയിൽ കഴിയുന്നതിനിടെയാണ് അന്ത്യം സംഭവിച്ചത്. നാട്ടിൽ സാമൂഹികവും കുടുംബപരവുമായ ഇടപെടലുകളിൽ സജീവമായിരുന്ന വ്യക്തിയായിരുന്നു അദ്ദേഹം. സംസ്കാര ചടങ്ങുകൾ ബുധനാഴ്ച രാവിലെ 9.30 ന് പഴഞ്ഞി പഞ്ചായത്ത് ക്രിമിറ്റോറിയത്തിൽ നടക്കും. ഭാര്യ ശാരദ. മക്കൾ: വിദ്യ, മഹേഷ്, രാജേഷ്. മരുമക്കളും മറ്റ് ബന്ധുക്കളും ഉൾപ്പെടെ നിരവധി പേർ അനുശോചനമറിയിക്കാൻ വീട്ടിലെത്തുന്നുണ്ട്. നാടിന് പരിചിതമായ വ്യക്തിത്വമായിരുന്ന വിജയന്റെ വേർപാട് കുടുംബത്തിനും സുഹൃത്തുകൾക്കും വലിയ നഷ്ടമായി.

കുമരകം പഞ്ചായത്തിൽ ഭരണപ്രതിസന്ധി; പ്രസിഡന്റ് തിരഞ്ഞെടുപ്പിൽ നറുക്കെടുപ്പിന് സാധ്യത

December 17, 2025

കോട്ടയം: പതിറ്റാണ്ടുകളായി തുടരുന്ന ഇടതുമുന്നണി ഭരണത്തിന് കുമരകം പഞ്ചായത്തിൽ ഇക്കുറി തിരശീല വീഴുമോ അതോ ഭരണത്തുടർച്ച ഉണ്ടാകുമോ എന്നറിയാൻ ഇനി ദിവസങ്ങളുടെ കാത്തിരിപ്പ് മാത്രം. ഒരു മുന്നണിക്കും വ്യക്തമായ ഭൂരിപക്ഷമില്ലാത്ത സാഹചര്യത്തിൽ നറുക്കെടുപ്പിലൂടെ പ്രസിഡന്റിനെ തിരഞ്ഞെടുക്കേണ്ടി വരുമെന്ന അവസ്ഥയാണ് നിലവിലുള്ളത്. വരും ദിവസങ്ങളിൽ കുമരകത്തെ രാഷ്ട്രീയ ചിത്രം എങ്ങോട്ട് തിരിയുമെന്ന ആകാംക്ഷയിലാണ് നാട്ടുകാർ. നിലവിൽ ആകെയുള്ള സീറ്റുകളിൽ എൽ.ഡി.എഫിന് എട്ടും, യു.ഡി.എഫ് സ്വതന്ത്രൻ എ.പി. ഗോപി ഉൾപ്പെടെ യു.ഡി.എഫിന് അഞ്ചും, ബി.ജെ.പിക്ക് മൂന്നും അംഗങ്ങളാണുള്ളത്. ഈ ഞായറാഴ്ചയാണ് […]