തിരുവനന്തപുരം: കഴക്കൂട്ടത്ത് ഹോസ്റ്റലില് അതിക്രമിച്ച് കയറി ഐടി ജീവനക്കാരിയായ യുവതിയെ പീഡിപ്പിച്ച കേസില് പ്രതി പിടിയില്. തമിഴ്നാട്ടിലെ മധുരയില് നിന്നാണ് പ്രതിയെ പൊലീസ് സാഹസികമായി പിടികൂടിയത്.
പ്രതിയെ കസ്റ്റഡിയിലെടുത്തു. ഇയാള് ലാറി ഡ്രൈവറാണ്. സംഭവത്തിനുശേഷം പ്രതി മധുരയില് ഒളിവില് കഴിയുകയായിരുന്നു. പൊലീസ് സംഘം മധുരയിലെത്തി ഇയാളെ പിടികൂടുകയായിരുന്നു.കഴിഞ്ഞ ദിവസം രാത്രിയാണ് ഐടി ജീവനക്കാരിയായ പെണ്കുട്ടി പീഡനത്തിനിരയായത്. സംഭവത്തില് യുവതി കഴക്കൂട്ടം പൊലിസില് പരാതി നല്കുകയായിരുന്നു. കഴക്കൂട്ടം അസി. കമ്മീഷണറുടെ നേതൃത്വത്തിലായിരുന്നു അന്വേഷണം. പെണ്കുട്ടി ഞെട്ടി ഉണര്ന്നപ്പോള് പ്രതി ഇറങ്ങി ഓടുകയായിരുന്നു. പ്രതിയെ തിരിച്ചറിയാന് കഴിഞ്ഞില്ലെന്നാണ് യുവതിയുടെ മൊഴി.
യുവതിയെ വൈദ്യപരിശോധനക്ക് വിധേയമാക്കിയ ശേഷമാണ് പൊലീസ് കേസെടുത്തത്. ഹോസ്റ്റലിലെ മുറിയില് ഒറ്റക്കാണ് യുവതി താമസിച്ചിരുന്നത്. ഭയന്നുപോയ യുവതി രാവിലെയാണ് ഹോസ്റ്റല് അധികൃതരെ വിവരമറിയിച്ചത്. തുടര്ന്ന് അവര് പൊലീസില് പരാതി നല്കുകയായിരുന്നു. പ്രത്യേക അന്വേഷണ സംഘത്തെ രൂപീകരിച്ചാണ് അന്വേഷണം നടത്താന് പൊലീസ് തീരുമാനിച്ചിരിക്കുന്നത്. പ്രതിയെ മുന്പ് കണ്ടിട്ടില്ലെന്നാണ് പെണ്കുട്ടിയുടെ മൊഴി.
