തിരുവനന്തപുരം: ബലാത്സംഗ കേസില് പ്രതിയായ രാഹുല് മാങ്കൂട്ടത്തില് എംഎല്എയെ കോണ്ഗ്രസില് നിന്ന് പുറത്താക്കിയതിന് പിന്നാലെ പ്രതികരണവുമായി എഐസിസി ജനറല് സെക്രട്ടറി കെസി വേണുഗോപാല്.
ഇത്തരം വിഷയങ്ങളില് പാര്ട്ടിയുടെ അന്തസ് ഉയര്ത്തിപ്പിടിക്കുക എന്നതാണ് പ്രാഥമികമായ കാര്യമെന്നും കൂടാതെ പൊതുജനങ്ങളുടെ ഇടയിലുള്ള പാര്ട്ടിയുടെ ഇമേജ് നിലനിര്ത്തേണ്ടതുണ്ട്.
അത്തരം കാര്യങ്ങള് ആലോചിച്ചാണ് കെപിസിസി ഇത്തരത്തില് ഒരു തീരുമാനം എടുത്തിരിക്കുന്നത്. അത് എഐസിസി അഗീകരിക്കുകയും ചെയ്തു.
എംഎല്എ സ്ഥാനത്ത് തുടരുന്ന കാര്യം രാഹുല് തീരുമാനിക്കട്ടെയെന്ന് കെ സി വേണു ഗോപാല്. ആരോപണം ഉണ്ടായപ്പോള് തന്നെ പാര്ട്ടി നിലപാടെടുത്തു.
കേരളത്തിലെ ഒരു രാഷ്ട്രീയ പാര്ട്ടി ഏറ്റവും വേഗത്തില് എടുത്ത ഒരു തീരുമാനമാണിത് എന്നും കെസി വേണുഗോപാല് മാധ്യമങ്ങളോട് പ്രതികരിച്ചു.
