കൊച്ചി: ശബരിമല സ്വര്ണക്കൊള്ള കേസില് സ്മാര്ട്ട് ക്രിയേഷന്സ് സിഇഒ പങ്കജ് ഭണ്ഡാരിക്ക് തിരിച്ചടി. കേസിലെ എഫ്ഐആര് റദ്ദാക്കണമെന്ന ഹര്ജി ഹൈക്കോടതി തള്ളി.
കേസില് തന്നെ പ്രതി ചേര്ത്ത എഫ്ഐആര് റദ്ദാക്കണമെന്നാവശ്യപ്പെട്ടായിരുന്നു പങ്കജ് ഭണ്ഡാരി ഹര്ജി നല്കിയത്. അറസ്റ്റ് നിയമ വിരുദ്ധമെന്നാരോപിച്ചായിരുന്നു പങ്കജ് ഭണ്ഡാരിയുടെ ഹര്ജി. മതിയായ കാരണങ്ങള് ഇല്ലാതെയുള്ള അറസ്റ്റ് റദ്ദാക്കി തന്നെ മോചിപ്പിക്കണമെന്നും ഹര്ജയില് ആവശ്യപ്പെട്ടിരുന്നു.
എസ്.ഐ.ടി സ്ഥാപനത്തില് നിന്ന് കണ്ടെത്തിയ 109. 234 ഗ്രാം സ്വര്ണം സ്വമേധയാ കൈമാറിയതാണെന്നും അറസ്റ്റിന് മുന്പ് ആറുതവണ ചോദ്യം ചെയ്യലിന് ഹാജരായിട്ടുണ്ടന്നും പങ്കജ് ഭണ്ഡാരിയുടെ ഹര്ജിയില് പറയുന്നു. എന്നാല്, കേസിലെ പ്രധാന പ്രതിയായ പങ്കജ് ഭാന്ധരിക്ക് ജാമ്യം നല്കരുതെന്നാണ് എസ് ഐ ടി നിലപാട്. ഹര്ജി പരിഗണിച്ച ഹൈക്കോടതി കേസ് റദ്ദാക്കാനാകില്ലെന്ന് വ്യക്തമാക്കുകയായിരുന്നു.
