തിരുവനന്തപുരം: കേരളത്തില് തുടര്ഭരണമുണ്ടാകുമെന്നും എല്ഡിഎഫ് സര്ക്കാര് മൂന്നാമതും അധികാരത്തിലെത്തുമെന്നും ആവര്ത്തിച്ച് വെളളാപ്പളളി നടേശന്. യുഡിഎഫ് അധികാരത്തില് വരും എന്നതിനാണ് മാധ്യമങ്ങള് പ്രചാരണം കൊടുക്കുന്നത്. പക്ഷെ അവസാനം കാത്തുസൂക്ഷിച്ച മാമ്പഴം പിണറായി കൊത്തിക്കൊണ്ടുപോകുമോ എന്ന് കാത്തിരുന്ന് കാണേണ്ടിവരുമെന്ന് വെള്ളാപ്പള്ളി പരിഹസിച്ചു.
പിണറായി വിജയന് മണ്ടനല്ല. ഇടതുപക്ഷം ബഹളം വയ്ക്കുന്നില്ല, ബഹളം വയ്ക്കുന്നത് ഇപ്പുറത്തുളളവരാണെന്നും വെളളാപ്പളളി നടേശന് പറഞ്ഞു. യുഡിഎഫ് ക്യാമ്പില് ഇമേജ് ബില്ഡ് ചെയ്യാനുളള ശ്രമമാണ് നടക്കുന്നത്. 12 മന്ത്രിമാര് പരാജയപ്പെടും എന്നുള്ളത് വി ഡി സതീശന്റെ ആഗ്രഹമാണെന്നും ചെറിയ ഭൂരിപക്ഷത്തിലായിരിക്കും എല്ഡിഎഫ് അധികാരത്തില് വരികയെന്നും വെള്ളാപ്പള്ളി വിലയിരുത്തുന്നു.
