തിരുവനന്തപുരം: വർക്കലയിൽ യുവതി ഉൾപ്പെട്ട സംഘം സഞ്ചരിച്ച വാഹനം തടഞ്ഞ് ആക്രമിക്കാൻ ശ്രമിച്ച കേസിൽ മൂന്ന് യുവാക്കൾ പിടിയിൽ. ചാത്തന്നൂർ സ്വദേശി അഭിജിത്ത്, വർക്കല സ്വദേശി അരുൺ, കൊല്ലം സ്വദേശി രാംരാജ് എന്നിവരെയാണ് പൊലീസ് കസ്റ്റഡിയിലെടുത്തത്.
പാപനാശം ബീച്ചിലെത്തിയ സംഘത്തിന്റെ കാർ പ്രതികൾ തടഞ്ഞുനിർത്തിയെന്നാണ് പരാതി. തുടർന്ന് അസഭ്യം വിളിക്കുകയും കാറിന്റെ ഗ്ലാസ് അടിച്ചുതകർക്കാൻ ശ്രമിക്കുകയും ചെയ്തതായി പരാതിയിൽ പറയുന്നു.
യുവതിയെ കയ്യിൽ ബലമായി പിടിച്ചിറക്കാൻ ശ്രമിച്ചതായും പരാതിയിൽ ആരോപിക്കുന്നു. സംഭവത്തിൽ പൊലീസ് അന്വേഷണം തുടരുകയാണ്.
