കണ്ണൂർ: വാഹനാപകടത്തെ തുടർന്ന് മസ്തിഷ്കമരണം സംഭവിച്ച വളക്കൈ സ്വദേശിയായ അർജുന്റെ വൃക്ക, മുഴപ്പിലങ്ങാട് സ്വദേശിയായ 37-കാരന് വിജയകരമായി മാറ്റിവച്ചു. കണ്ണൂരിലെ ആസ്റ്റർ മിംസ് ആശുപത്രിയിൽ നടന്ന ഉത്തര മലബാറിലെ ആദ്യ കഡാവറിക് ട്രാൻസ്‌പ്ലാന്റ് ശസ്ത്രക്രിയയിലൂടെയാണ് രോഗിക്ക് പുതുജീവിതം ലഭിച്ചത്. ദീർഘകാലമായി വൃക്കരോഗബാധിതനായി ചികിത്സയിലായിരുന്ന യുവാവ് അവയവമാറ്റത്തിനായുള്ള സർക്കാർ സംവിധാനമായ കെ-സോട്ടോയിൽ രജിസ്റ്റർ ചെയ്ത് കാത്തിരിക്കുകയായിരുന്നു. അമ്മ മാത്രമായിരുന്നു അദ്ദേഹത്തിന്റെ ആശ്രയം. അർജുന്റെ കുടുംബം അവയവദാനത്തിന് സമ്മതം അറിയിച്ചതോടെയാണ് ജീവിതത്തിലേക്കുള്ള പുതിയ പ്രതീക്ഷ കൈവന്നത്. അർജുനിൽ നിന്ന് വൃക്ക […]