വയനാട്: കള്ളാടിയിൽ ഉണ്ടായ മണ്ണിടിച്ചിലിന് കാരണം വനംവകുപ്പിന്റെ ഭൂമിയിൽ നിന്നുണ്ടായ മണ്ണിടിച്ചിലാണെന്ന് കരാർ കമ്പനി അധികൃതർ അറിയിച്ചു. പൊതുമരാമത്ത് വകുപ്പിന്റെ സ്ഥലത്ത് ആവശ്യമായ സുരക്ഷാ ക്രമീകരണങ്ങൾ നേരത്തെ തന്നെ ഒരുക്കിയിരുന്നുവെന്നും കമ്പനി വ്യക്തമാക്കി. ടണലിന്റെ പ്രവേശന കവാടവും പി.ഡബ്ല്യു.ഡി ഭൂമിയും പൂർണമായും സുരക്ഷിതമാക്കിയിരുന്നുവെന്നാണ് കമ്പനി അധികൃതരുടെ വിശദീകരണം. മണ്ണിടിച്ചിൽ തടയുന്നതിനായി നെയ്‌ലിങ്, ഷോട്ട് ക്രീറ്റിങ് തുടങ്ങിയ സുരക്ഷാ സംവിധാനങ്ങൾ ഒരുക്കിയിരുന്നുവെന്നും അവർ പറഞ്ഞു. അപകടത്തിന് മുമ്പുള്ള ചിത്രങ്ങൾ പരിശോധിച്ചാൽ പി.ഡബ്ല്യു.ഡി ഭൂമിയിൽ സുരക്ഷാ വീഴ്ച സംഭവിച്ചിട്ടില്ലെന്ന് വ്യക്തമാകുമെന്നും […]