കണ്ണൂർ: നിർമ്മാണം തുടരുന്ന കണ്ണൂർ–ചാല ഭാഗത്തെ ദേശീയപാതയിലെ അടിപ്പാതയിൽ നിന്നും താഴേക്ക് വീണ കാറിനെ ഫയർഫോഴ്‌സ് ക്രെയിൻ ഉപയോഗിച്ച് പുറത്തെടുത്തു. ദേശീയപാത 66-ൽ, തലശ്ശേരി ഭാഗത്തുനിന്ന് കണ്ണൂരിലേക്ക് വരികയായിരുന്ന കാറിനാണ് അപകടം സംഭവിച്ചത്. ചാല അമ്പലത്തിനടുത്തുള്ള അടിപ്പാതയുടെ മുകളിൽ നിന്നാണ് കാർ കുത്തനെ താഴേക്ക് പതിച്ചത്. സംഭവം നടന്നിടത്ത് മേൽപ്പാലത്തിന്റെ നിർമാണം പൂർത്തിയായിട്ടില്ല. പാലത്തിന്റെ ഇരുവശങ്ങളും ബന്ധിപ്പിക്കുന്ന ജോലികൾ പുരോഗമിക്കുന്നതിനിടെയാണ് വാഹനം താഴേക്ക് വീണത്. കാറിനുള്ളിൽ കുടുങ്ങിയ ഡ്രൈവറെ നാട്ടുകാർ ഏണി ഉപയോഗിച്ച് താഴേക്ക് ഇറങ്ങി രക്ഷപ്പെടുത്തി. […]