രാമനാട്ടുകര: പുതിയ ചിത്രം ജയിലര്‍ 2 വിന്റെ ചിത്രീകരണത്തിനായി സൂപ്പര്‍സ്റ്റാര്‍ രജ്‌നികാന്ത് കോഴിക്കോട്ടെത്തി. കരിപ്പൂര്‍ വിമാനത്താവളത്തില്‍ഞായറാഴ്ച വൈകീട്ട് 4.10-നാണ് രജനീകാന്ത് ചെന്നൈയില്‍നിന്നുള്ള ഇന്‍ഡിഗോ വിമാനത്തില്‍ കരിപ്പൂരിലെത്തിയത്. ജയിലര്‍ സിനിമയുടെ രണ്ടാംഭാഗത്തിന്റെ കോഴിക്കോട്ടെ ഷൂട്ടിങ്ങിനായാണ് താരമെത്തിയത്. പുറത്ത് കാത്ത് നിന്ന ആരാധകര്‍ തലൈവരെ കണ്ടപ്പോള്‍ അവര്‍ ആവേശത്തോടെ ‘തലൈവരേ’ എന്നുവിളിച്ച് അഭിവാദ്യംചെയ്തു. കാറിനടുത്തേക്കു പോകുകയായിരുന്ന താരം ഇതുകേട്ട് തിരിഞ്ഞുനിന്ന് ആരാധകര്‍ക്കുനേരേ പുഞ്ചിരിയോടെ കൈവീശി. കോഴിക്കോട്ടെത്തിയ രജനീകാന്ത് നഗരത്തിനടുത്ത ചെറുവണ്ണൂരില്‍ ചിത്രീകരണം നടക്കുന്ന ‘ജയിലര്‍ ടു’വില്‍ സജീവമാകും. ആറുദിവസമാണ് കോഴിക്കോട്ടെ […]