തിരുവനന്തപുരം: ബിജെപി സംസ്ഥാന അധ്യക്ഷന്റെ പേരിൽ സാമൂഹ്യമാധ്യമങ്ങളിലും ചില വാർത്താ ചാനലുകളിലും പ്രചരിക്കുന്ന ‘ബിജെപി ഓഫീസ് സർക്കുലർ’ വ്യാജമാണെന്ന് പാർട്ടി വ്യക്തമാക്കി. നിയമസഭാ തിരഞ്ഞെടുപ്പുമായി ബന്ധപ്പെട്ട് സാമ്പത്തിക ക്രമക്കേടുകൾ നടന്നതായി എവിടെയും കണ്ടെത്തിയിട്ടില്ലെന്ന് ബിജെപി വാർത്താക്കുറിപ്പിൽ അറിയിച്ചു. തിരഞ്ഞെടുപ്പിന് ശേഷം ദേശീയ, സംസ്ഥാന, ജില്ലാ, നിയോജക മണ്ഡലം തലങ്ങളിൽ പാർട്ടി ഓഡിറ്റിംഗ് പൂർത്തിയാക്കിയതായും പാർട്ടി വ്യക്തമാക്കി. കേരളത്തിൽ തിരഞ്ഞെടുപ്പ് പ്രവർത്തനങ്ങൾ സുതാര്യമായ രീതിയിലാണ് നടന്നതെന്നും, ചരിത്രത്തിലാദ്യമായി മൂന്ന് എംഎൽഎമാരെ വിജയിപ്പിക്കാൻ കഴിഞ്ഞത് അതിന്റെ തെളിവാണെന്നും ബിജെപി അവകാശപ്പെട്ടു. […]