കോഴിക്കോട്: ജനപ്രതിനിധികളുടെ പ്രവർത്തനം മെച്ചപ്പെടുത്താൻ പെരുമാറ്റച്ചട്ടം കർശനമാക്കാൻ മുസ്‌ലിം ലീഗ് തീരുമാനം. ജനപ്രതിനിധികളുടെ പ്രവർത്തനം കൃത്യമായ ഇടവേളകളിൽ വിലയിരുത്താനും ഓഡിറ്റ് ചെയ്യാനും തീരുമാനിച്ചു. എംഎൽഎമാരുടെയും എംപിമാരുടെയും യോഗത്തിലാണ് പാണക്കാട് സാദിഖലി ശിഹാബ് തങ്ങൾ പെരുമാറ്റച്ചട്ടം സംബന്ധിച്ച നിർദേശം മുന്നോട്ടുവച്ചത്. തെരഞ്ഞെടുപ്പ് മുന്നിലുണ്ടെന്ന ബോധ്യത്തോടെയാകണം ജനപ്രതിനിധികളുടെ പ്രവർത്തനമെന്ന് നേതൃത്വം നിർദേശം നൽകി. പേഴ്‌സണൽ സ്റ്റാഫുകൾ ജനങ്ങളോട് മാന്യമായി പെരുമാറണമെന്നും അനാവശ്യ വിവാദങ്ങൾ ഒഴിവാക്കണമെന്നും നേതൃത്വം ആവശ്യപ്പെട്ടു. ജനങ്ങളിൽ പാർട്ടിക്കും ജനപ്രതിനിധികൾക്കും അവമതിപ്പുണ്ടാക്കുന്ന സാഹചര്യം ഉണ്ടാകരുതെന്നും നിർദേശമുണ്ട്. മന്ത്രിമാർ കഴിഞ്ഞ […]