കുമരകത്ത് വൻ ലഹരി വേട്ട; ഇല്ലിക്കൽ പരുത്തിയകത്തുനിന്ന് 20 ചാക്ക് നിരോധിത പുകയില ഉത്പന്നങ്ങൾ പിടിച്ചെടുത്തു
കോട്ടയം: കുമരകത്ത് ഇല്ലിക്കൽ പരുത്തിയകം ഭാഗത്ത് കുമരകം പോലീസ് നടത്തിയ റെയ്ഡിൽ ലക്ഷങ്ങൾ വിലമതിക്കുന്ന നിരോധിത പുകയില ഉത്പന്നങ്ങൾ പിടിച്ചെടുത്തു. കോട്ടയം വിദ്യാർത്ഥി മിത്രത്തിന് സമീപം തട്ടുകട നടത്തുന്ന നിയാസ് എന്നയാളുടെ കെട്ടിടത്തിൽ നിന്നാണ് 20 ചാക്ക് ഹാൻസ് കണ്ടെത്തിയത്. ജില്ലാ പോലീസ് മേധാവിയുടെ നിർദ്ദേശപ്രകാരം കുമരകം എസ്.എച്ച്.ഒ. കെ. ഷിജിക്ക് ലഭിച്ച രഹസ്യ വിവരത്തിൻ്റെ അടിസ്ഥാനത്തിലായിരുന്നു റെയ്ഡ്. എസ്.ഐ. ബസന്തും സിവിൽ പോലീസ് ഉദ്യോഗസ്ഥരായ അനീഷ് കുമാർ, ജാക്സൺ അഭിലാഷ്, പ്രതീഷ് എന്നിവരും റെയ്ഡിൽ പങ്കെടുത്തു.
Read more
