കൊച്ചി: ചികിത്സയില് കഴിയുന്ന ഭാര്യാപിതാവിനെ കാണാന് സര്ക്കാര് വാടകയ്ക്കെടുത്ത ഹെലികോപ്റ്ററില് സഞ്ചരിച്ച മുഖ്യമന്ത്രി വിഡി സതീശനെതിരെ സാമൂഹിക മാധ്യമങ്ങളില് രൂക്ഷവിമര്ശനം. മുന് മുഖ്യമന്ത്രി പിണറായി ഹെലികോപ്റ്റര് ധൂര്ത്ത് നിര്ത്തണമെന്ന് ആവശ്യപ്പെട്ട സതീശന് മുഖ്യമന്ത്രിയായപ്പോള് ഔദ്യോഗിക ആവശ്യങ്ങള്ക്കായി വാടകയ്ക്ക് എടുത്ത ഹെലികോപ്റ്റര് സ്വകാര്യ ആവശ്യത്തിന് ഉപയോഗിച്ചുവെന്നാണ് പ്രധാന ആരോപണം.
ന്യൂമോണിയ ബാധിതനായി ആലുവ കാരോത്തുകുഴി ആശുപത്രിയില് ചികിത്സയില് കഴിയുന്ന ഭാര്യാപിതാവ് വേലായുധന്കുട്ടിയെ കാണാന് മുഖ്യമന്ത്രി ഇന്നലെ കാവടിയാര് ഗോള്ഫ് ക്ലബില് നിന്ന് കൊച്ചിയിലേക്ക് പറന്നത്. എന്നാല് കാലാവസ്ഥ മോശമായതിനെ തുടര്ന്ന് മുഖ്യമന്ത്രി സഞ്ചരിച്ച ഹെലികോപ്റ്റര് കൊച്ചിയില് ഇറക്കാതെ തിരിക തിരുവനന്തപുരത്തേക്ക് മടങ്ങി. പിന്നീട് കാലാവസ്ഥ സാധാരണ നിലയിലായതിനെ തുടര്ന്ന് 11.30 ഓടെ കൊച്ചിയിലേക്ക് തിരിക്കുകയായിരുന്നു.
കടുത്ത സാമ്പത്തിക പ്രതിസന്ധിക്കിടയിലും പിണറായി സര്ക്കാര് ഹെലികോപ്റ്റര് വാടകയ്ക്കെടുത്തു എന്നായിരുന്നു അന്ന് പ്രതിപക്ഷം ഉയർത്തിയ വിമർശനം.
