കണ്ണൂർ: കേരള ടെക്‌നിക്കൽ യൂണിവേഴ്‌സിറ്റിയിൽ (കെ.ടി.യു.) പരീക്ഷയുടെ ഉത്തരക്കടലാസ് മോഷണം പോയതായി പരാതി. തലശ്ശേരി കുണ്ടൂർമല എൻജിനീയറിങ് കോളേജിലാണ് സംഭവം നടന്നത്. മൂല്യനിർണയത്തിനായി സൂക്ഷിച്ചിരുന്ന ഉത്തരക്കടലാസുകളിലൊന്നാണ് കാണാതായത്. രണ്ടാം വർഷ ഇലക്ട്രിക്കൽ എൻജിനീയറിംഗ് വിദ്യാർത്ഥിയുടെ പവർ ഇലക്ട്രോണിക്സ് ഡ്രൈവ് വിഷയത്തിന്റെ ഉത്തരക്കടലാസ് ആണ് നഷ്ടപ്പെട്ടത്. മൂല്യനിർണയത്തിനിടെ അധ്യാപകർ ഭക്ഷണം കഴിക്കാനായി പുറത്തുപോയ സമയത്താണ് മോഷണം നടന്നതെന്നാണ് പരാതി. സംഭവത്തിൽ തലശ്ശേരി പൊലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്.