തിരുവനന്തപുരം: പാപ്പനംകോട് പൂഴിക്കുന്നിൽ ചക്കയിടാൻ കയറുന്നതിനിടെ മതിലിൽ നിന്ന് വീണ് ഗൃഹനാഥൻ മരിച്ചു. പൊറ്റവിള പുത്തൻവീട്ടിൽ രാമൻകുട്ടി (60) ആണ് മരിച്ചത്. ഇന്ന് രാവിലെ പത്ത് മണിയോടെയായിരുന്നു അപകടം. സമീപത്തെ പുരയിടത്തിലെ പ്ലാവിൽ നിന്ന് ചക്കയിടാനായി മതിലിൽ കയറിയപ്പോൾ കാൽ വഴുതി സമീപത്തെ കുഴിയിലേക്ക് വീഴുകയായിരുന്നു. ഗുരുതരമായി പരിക്കേറ്റ രാമൻകുട്ടിയെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. പരിശോധനകൾക്ക് ശേഷം മൃതദേഹം വീട്ടുവളപ്പിൽ സംസ്കരിച്ചു.