തിരുവനന്തപുരം: നിയമസഭാ തെരഞ്ഞെടുപ്പ് പെരുമാറ്റച്ചട്ടം പിന്വലിച്ചാല് ഉടന് പാലിന് വില കൂട്ടണമെന്ന ആവശ്യവുമായി മില്മ. ലിറ്ററിന് നാലു രൂപ വര്ധിപ്പിക്കണമെന്ന ശുപാര്ശയ്ക്ക് അംഗീകാരം തേടി മില്മ ചെയര്മാന് കെഎസ് മണി മന്ത്രി ജെ ചിഞ്ചു റാണിയെ ഇന്ന് വീണ്ടും കാണും. മെയ് ആറ് വരെയാണ് പെരുമാറ്റച്ചട്ടം നിലവില് ഉള്ളത്.
സര്ക്കാര് ഇക്കാര്യത്തില് ഇതുവരെ ഒന്നും പറഞ്ഞിട്ടില്ല. കഴിഞ്ഞ വര്ഷം നവംബര് മുതല് പാല്വില വര്ധന മില്മ ആവശ്യപ്പെടുന്നുണ്ട്. അന്ന് തദ്ദേശതെരഞ്ഞെടുപ്പ് അടുത്ത സാഹചര്യത്തില് നീട്ടിവച്ച തീരുമാനം പിന്നീട് നിയമസഭാ തെരഞ്ഞെടുപ്പില് തിരിച്ചടിയായേക്കുമെന്ന് ഭയന്ന് വീണ്ടും നീട്ടുകയായിരുന്നു.
