കാഠ്മണ്ഡു: നേപ്പാൾ ദുരന്തത്തിൽ കാണാതായ ബ്രിട്ടീഷ് പൗരത്വമുള്ള കൊല്ലം സ്വദേശിനി സുനന്ദ മണി രാജയെ കണ്ടെത്താനുള്ള ശ്രമങ്ങൾ തുടരുന്നു. സുനന്ദയുടെ മക്കൾ യുകെയിൽ നിന്ന് ഡിഎൻഎ സാമ്പിൾ നൽകിയതായി ബന്ധുക്കൾ അറിയിച്ചു. സുനന്ദയ്ക്കൊപ്പം നേപ്പാളിലെത്തിയ സംഘത്തെ കണ്ടെത്തുന്നതിനായി യുകെയിൽ നിന്നുള്ള സൈനിക സംഘവും നേപ്പാളിലെത്തിയിട്ടുണ്ട്.
പരവൂർ കോങ്ങാൽ സ്വദേശിനിയായ സുനന്ദ മണി രാജ (63)യെയാണ് ദുരന്തത്തിന് പിന്നാലെ കാണാതായത്. നേപ്പാളിലെ ഇമിഗ്രേഷൻ, കസ്റ്റംസ് ഓഫീസിൽ വിസ സ്റ്റാമ്പ് ചെയ്യുന്നതിനിടെ അപകടത്തിൽപ്പെട്ടതായാണ് ബന്ധുക്കളുടെ സംശയം. ഏകദേശം 40 വർഷമായി ബ്രിട്ടനിൽ താമസിക്കുന്ന സുനന്ദ നിലവിൽ ബ്രിട്ടീഷ് പൗരത്വമുള്ളയാളാണ്.
ഓഗസ്റ്റ് 25ന് ഉച്ചയോടെ നേപ്പാളിലെത്തിയ വിവരം സുനന്ദ വീട്ടിലേക്ക് വിളിച്ച് അറിയിച്ചിരുന്നു. എന്നാൽ പിറ്റേ ദിവസം ദുരന്തമുണ്ടായതിന് ശേഷം സുനന്ദയുമായി ബന്ധപ്പെടാൻ സാധിച്ചിട്ടില്ല. നേപ്പാളിലെ ഇമിഗ്രേഷൻ, കസ്റ്റംസ് ഓഫീസിൽ വച്ചാണ് അപകടത്തിൽപ്പെട്ടതെന്നാണ് ബന്ധുക്കൾ കരുതുന്നത്.
കഴിഞ്ഞ മാസം 16ന് ലണ്ടനിൽ നിന്ന് ഡൽഹിയിലെത്തിയ സുനന്ദ അവിടെനിന്നാണ് നേപ്പാളിലേക്ക് യാത്രതിരിച്ചത്. നേപ്പാളിലെത്തിയ ശേഷം കസ്റ്റംസ് ഓഫീസിൽ വിസ സ്റ്റാമ്പ് ചെയ്യുന്നതിനിടെയാണ് ദുരന്തത്തിൽപ്പെട്ടതെന്നാണ് ബന്ധുക്കൾ പറയുന്നത്.
സുനന്ദയ്ക്കൊപ്പം ലണ്ടനിൽ നിന്ന് എത്തിയ സംഘത്തെക്കുറിച്ചും ഇതുവരെ വിവരങ്ങളൊന്നും ലഭിച്ചിട്ടില്ല. സംഘത്തിൽ മലയാളിയായി സുനന്ദ മാത്രമാണ് ഉണ്ടായിരുന്നതെന്നാണ് വിവരം. സുനന്ദയെ കണ്ടെത്തുന്നതിനായി കുടുംബം ഇന്ത്യൻ എംബസി ഉൾപ്പെടെയുള്ള അധികൃതർക്ക് പരാതി നൽകിയിട്ടുണ്ട്. ദുരന്തത്തിൽ കാണാതായവരെ കണ്ടെത്താനുള്ള തിരച്ചിൽ തുടരുന്നതിനിടെയാണ് സുനന്ദയുടെ മക്കൾ ഡിഎൻഎ സാമ്പിൾ നൽകിയത്.
