തിരുവനന്തപുരം: മന്ത്രിമാരായ കെ രാജനും ജെ ചിഞ്ചുറാണിയും കടുത്ത മത്സരം നേരിട്ടതായി സിപിഐ വിലയിരുത്തല്. ഉറപ്പായും വിജയിക്കുമെന്ന് കണക്കുകൂട്ടുന്ന 10 സീറ്റുകളില് ഒല്ലൂരും ചടയമംഗലവുമില്ല. സിറ്റിംഗ് സീറ്റുകളായ പീരുമേട്, തൃശ്ശൂര്, നാദാപുരം മണ്ഡലങ്ങള് കൈവിട്ടുപോകുമെന്നാണ് പ്രാഥമിക കണക്ക്.
മണ്ഡലം കമ്മിറ്റികള് നല്കിയ കണക്കുകള് ഇന്ന് ചേരുന്ന സംസ്ഥാന സെക്രട്ടറിയേറ്റും എക്സിക്യൂട്ടീവും ചര്ച്ച ചെയ്യും. വിജയ സാധ്യത കുറവായ സീറ്റുകളുടെ പട്ടികയിലാണ് പട്ടാമ്പിയും അടൂരുമുള്ളത്. നെടുമങ്ങാട്, ചിറയിന്കീഴ്, പുനലൂര്, ചാത്തന്നൂര്, ചേര്ത്തല, വൈക്കം, കൈപ്പമംഗലം, കൊടുങ്ങല്ലൂര്, നാട്ടിക, കാഞ്ഞങ്ങാട് എന്നിവയാണ് ഉറപ്പായും ജയിക്കുമെന്ന് കരുതുന്നവ.
