കൊച്ചി: ശബരിമല സ്വർണക്കൊള്ള കേസുമായി ബന്ധപ്പെട്ട ഇഡി റെയ്ഡിൽ നിർണായക കണ്ടെത്തലുകൾ. കേസിലെ പ്രധാന പ്രതികളുടെ സ്വത്തുക്കൾ മരവിപ്പിച്ചുവെന്ന് കണ്ടെത്തി. മരവിപ്പിച്ച ആസ്തികളുടെ മൂല്യം ഏകദേശം 1.3 കോടി രൂപയാണെന്നണ് ഇഡി റിപ്പോർട്ട്.

ഇന്നലെ സംസ്ഥാനത്ത് വ്യാപകമായി നടത്തിയ പരിശോധനകൾക്കപ്പുറം നടപ്പാക്കിയ നടപടി സംബന്ധിച്ചാണ് വിവരങ്ങൾ ലഭിച്ചത്. സ്മാർട്ട് ക്രിയേഷനിൽ നിന്ന് 100 ഗ്രാം സ്വർണം പിടിച്ചെടുത്തതായി ഇ ഡി അറിയിച്ചു. സ്വർണ കട്ടികളും ചെമ്പാക്കിയ രേഖകളും റെയ്ഡിൽ കണ്ടെത്തിയതായി ഇഡി റിപ്പോർട്ട് ചയ്തു.

ദേവസ്വം ബോർഡ് ആസ്ഥാനത്ത് നിന്ന് രേഖകളും പിടിച്ചെടുത്തിട്ടുണ്ട്. പ്രത്യേകിച്ച് 2019-2024 ഇടയിലുള്ള ഉത്തരവുകളും, ഉദ്യോഗസ്ഥരുടെ സംശയാസ്പദ സാമ്പത്തിക ഇടപാടുകളുടെ രേഖകളും ഇഡി ലഭിച്ചിട്ടുണ്ട്.