കോഴിക്കോട്: കല്ലായി പാലത്തിന് സമീപം ഫുട്പാത്തിൽ ഉറങ്ങിക്കിടന്നിരുന്ന ആളുകൾക്കിടയിലേക്ക് കാർ പാഞ്ഞുകയറി ഏഴുപേർക്ക് പരിക്ക്. ഒരാളുടെ നില ഗുരുതരമാണ്. അപകടം നടന്നത് ഇന്നലെ പുലർച്ചെ മൂന്നുമണിയോടെയാണ്. തമിഴ്നാട്ടിലെ കടലൂർ സ്വദേശികളായ രാമയ്യ, വീരയ്യ, ധനലക്ഷ്മി, അയ്യമ്മ, അരുമകണ്ണൻ, ശക്തിവേൽ, കാമിനി എന്നിവർക്കാണ് പരിക്കേറ്റത്. ഇവരിൽ രാമയ്യയുടെ പരിക്ക് ഗുരുതരമാണ്. കാലിലെ എല്ലുകളും താടിയെല്ലും വാരിയെല്ലും ഒടിഞ്ഞതായി ആശുപത്രി അധികൃതർ അറിയിച്ചു. ഇയാളെ ഐസിയുവിൽ പ്രവേശിപ്പിച്ചു. അപകടത്തിന് ശേഷം കാർ നിർത്താതെ പോയെങ്കിലും മറ്റൊരു വാഹനത്തിലുണ്ടായിരുന്ന യുവാക്കൾ പിന്തുടർന്ന് […]