തിരുവനന്തപുരം: ​തിരുവനന്തപുരം ജില്ലയിലെ മണ്ഡപത്തിൻകടവ് പൂഴനാട് സ്വദേശിനിയായ യുവതി പ്രസവിച്ച നവജാത ശിശു മരിച്ച സംഭവത്തിൽ പുറത്തുവരുന്നത് സിനിമയെപ്പോലും വെല്ലുന്ന അവിശ്വസനീയമായ വിവരങ്ങൾ. പത്തുമാസം ഗർഭിണിയായിരുന്ന വിവരം കൂടെക്കഴിഞ്ഞ ഭർത്താവോ വീട്ടുകാരോ അറിഞ്ഞില്ലെന്ന മൊഴിയാണ് പോലീസിനെയും നാട്ടുകാരെയും ഒരുപോലെ കുഴപ്പിക്കുന്നത്. പൂഴനാട് പ്ലാവിള വീട്ടിൽ ഷംനയുടെ (21) കുഞ്ഞാണ് ദുരൂഹസാഹചര്യത്തിൽ മരണപ്പെട്ടത്. സംഭവത്തിൽ കൊലപാതക സാധ്യതയുണ്ടെന്ന നിഗമനത്തിൽ ആര്യങ്കോട് പോലീസ് അന്വേഷണം ഊർജ്ജിതമാക്കിയിരിക്കുകയാണ്. ​ഇറച്ചിക്കട തൊഴിലാളിയായ അൽത്താഫ് ജോലി കഴിഞ്ഞ് ഉച്ചയോടെ വീട്ടിലെത്തിയപ്പോഴാണ് ഷംന അതിശക്തമായ വയറുവേദന […]