പാലക്കാട്: വീട്ടുമുറ്റത്ത് വീണ് കൈക്ക് പരിക്കേറ്റതിനെത്തുടർന്ന് ചികിത്സയ്ക്കിടെ വലതുകൈ മുറിച്ചുമാറ്റേണ്ടിവന്ന ഒൻപത് വയസ്സുകാരി വിനോദിനി അഞ്ചര മാസത്തിനുശേഷം വീണ്ടും സ്കൂളിലേക്ക് മടങ്ങുന്നു. പല്ലശ്ശന ഒഴിവുപാറയിലെ എ.എൽ.പി. സ്കൂളിലെ നാലാം ക്ലാസ് വിദ്യാർഥിനിയായ വിനോദിനി തിങ്കളാഴ്ചയാണ് സ്കൂളിലെത്തുന്നത്. 2025 സെപ്റ്റംബർ 24-നാണ് സഹോദരനോടൊപ്പം കളിക്കുന്നതിനിടെ വീട്ടുമുറ്റത്ത് വീണ് വിനോദിനിയുടെ വലതുകൈയിലെ എല്ല് പൊട്ടിയത്. തുടർന്ന് ജില്ലാ ആശുപത്രിയിൽ ചികിത്സ തേടിയെങ്കിലും ചികിത്സപ്പിഴവിനെ തുടർന്ന് അവളുടെ വലതുകൈ മുറിച്ചുമാറ്റേണ്ടിവന്നു. പിന്നീട് ജില്ലാ ആശുപത്രിയിലും കോഴിക്കോട് മെഡിക്കൽ കോളേജിലും വീട്ടിലുമായി ദീർഘകാലം […]