കൊച്ചി: ലൈംഗികാതിക്രമത്തിന് ഇരയായ 16 വയസുകാരിയുടെ 27 ആഴ്ചയായ ഗർഭം അലസിപ്പിക്കാൻ അനുമതി നൽകി ഹൈക്കോടതി. ജസ്റ്റിസ് ഹരിശങ്കർ വി. മേനോന്റേതാണ് ഉത്തരവ്. ഗർഭം അലസിപ്പിക്കുന്നതിനുള്ള അടിയന്തര നടപടികൾ സ്വീകരിക്കാൻ സംസ്ഥാന സർക്കാരിനും കോടതി നിർദേശം നൽകി. പെൺകുട്ടിയുടെ അമ്മയാണ് ഗർഭം അലസിപ്പിക്കാൻ അനുമതി തേടി ഹൈക്കോടതിയെ സമീപിച്ചത്. പെൺകുട്ടിയുടെ പ്രായവും സാമൂഹിക സാഹചര്യങ്ങളും കണക്കിലെടുത്ത് ഗർഭം അലസിപ്പിക്കാമെന്ന് കോടതി നിർദേശപ്രകാരം രൂപീകരിച്ച മെഡിക്കൽ ബോർഡ് റിപ്പോർട്ട് നൽകിയിരുന്നു. റിപ്പോർട്ട് പരിഗണിച്ച ശേഷമാണ് കോടതി അനുമതി നൽകിയത്.

ന്യൂഡല്‍ഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ വീണ്ടും പ്രതിഷേധം. ‘പീപ്പിൾ എഗെയിൻസ്റ്റ് എസ്‌ഐആർ’ നേതൃത്വം നൽകിയ മാർച്ചിൽ ഇടതുസംഘടനകളും കർഷക സംഘടനകളും പങ്കെടുത്തു. തെരഞ്ഞെടുപ്പ് കമ്മീഷന്റെ ആസ്ഥാനത്തിന് മുന്നിൽ നടന്ന പ്രതിഷേധത്തിനിടെ പൊലീസും പ്രവർത്തകരും തമ്മിൽ ഉന്തും തള്ളുമുണ്ടായി. തുടർന്ന് പ്രതിഷേധക്കാരെ പൊലീസ് കസ്റ്റഡിയിലെടുത്തു. ‘ജനാധിപത്യത്തെ തിരികെ പിടിക്കുക’ എന്ന മുദ്രാവാക്യമുയർത്തിയായിരുന്നു മാർച്ച്. സി.ജെ.പി നേതാക്കൾ കൂട്ടായ്മയുടെ ഭാഗമാണെങ്കിലും പ്രതിഷേധത്തിൽ പങ്കെടുത്തില്ല. ജാമ്യവ്യവസ്ഥയുടെ ഭാഗമായി സമാധാന ബോണ്ട് ഉൾപ്പെടെയുള്ള നിബന്ധനകൾ നിലവിലുള്ളതിനാൽ […]