എറണാകുളം: പരാതി നൽകാനായി പോലീസ് സ്റ്റേഷനിലെത്തിയ യുവതിയോട് ലൈംഗികാതിക്രമം നടത്തിയെന്ന പരാതിയിൽ പോലീസ് ഉദ്യോഗസ്ഥനെതിരെ കേസ്. എളമക്കര പോലീസ് സ്റ്റേഷനിലെ ഗ്രേഡ് എസ്‌ഐ മുജീബ് റഹ്‌മാനെതിരെ കേസ് രജിസ്റ്റർ ചെയ്തത്. പരാതി നൽകാനെത്തിയ യുവതിയോട് ഇയാൾ മോശമായി പെരുമാറുകയും വശീകരിക്കാൻ ശ്രമിക്കുകയും ചെയ്തുവെന്നാണ് പരാതി. ആവശ്യങ്ങൾക്ക് വഴങ്ങിയില്ലെങ്കിൽ ലഹരിക്കേസിൽ കുടുക്കുമെന്ന് ഭീഷണിപ്പെടുത്തിയതായും യുവതി ആരോപിച്ചു. സംഭവത്തിന് പിന്നാലെ മുജീബ് റഹ്മാൻ ഒളിവിൽ പോയതായി പോലീസ് അറിയിച്ചു. ഇയാളെ കണ്ടെത്താൻ തിരച്ചിൽ ആരംഭിച്ചിട്ടുണ്ട്. സംഭവത്തിൽ ഉന്നത പോലീസ് ഉദ്യോഗസ്ഥരുടെ […]

കൊച്ചി: വിവാഹ വാഗ്ദാനം നൽകി പീഡിപ്പിച്ചെന്ന പരാതിയിൽ സിനിമ സഹ സംവിധായകനെതിരെ മരട് പോലീസ് കേസ് രജിസ്റ്റർ ചെയ്തു. ജോജോമോൻ എന്ന ജോജോ കുരിശിങ്കലിനെതിരെയാണ് കേസ്. ഒരു മോഡലിന്റെ പരാതിയിലാണ് നടപടി. വിവാഹം കഴിക്കാമെന്ന് വാഗ്ദാനം നൽകി പീഡിപ്പിച്ചെന്നാണ് യുവതിയുടെ ആരോപണം. കൂടാതെ, ജോജോ മുൻപ് രണ്ട് വിവാഹം കഴിച്ചിരുന്ന വിവരം മറച്ചുവെച്ചുവെന്നും പരാതിയിൽ പറയുന്നു. പരാതിയുടെ അടിസ്ഥാനത്തിൽ മരട് പോലീസ് കേസ് എടുത്ത് അന്വേഷണം ആരംഭിച്ചു.

കൊച്ചി: യുവതിയെ കത്തി കാണിച്ച് ഭീഷണിപ്പെടുത്തി ബലാത്സംഗം ചെയ്യാൻ ശ്രമിച്ച കേസിൽ മൂന്നാമത്തെ പ്രതിയും പൊലീസ് പിടിയിൽ. അരൂർ സ്വദേശിയായ സഞ്ജയെയാണ് പൊലീസ് അറസ്റ്റ് ചെയ്തത്. കൊച്ചി മെഡിക്കൽ ട്രസ്റ്റിന് സമീപമുള്ള ആളൊഴിഞ്ഞ കെട്ടിടത്തിൽ ഒളിവിൽ കഴിയുന്നതിനിടെയാണ് ഇയാളെ പിടികൂടിയത്. സഞ്ജയ് അവിടെ ഒളിച്ചിരിക്കുന്നുവെന്ന രഹസ്യവിവരം ലഭിച്ചതിനെ തുടർന്ന് പൊലീസ് സംഘം സ്ഥലത്തെത്തി ഇയാളെ കസ്റ്റഡിയിലെടുക്കുകയായിരുന്നു. പ്രതിയെ വൈദ്യപരിശോധനയ്ക്ക് വിധേയനാക്കിയ ശേഷം കോടതിയിൽ ഹാജരാക്കുമെന്ന് പൊലീസ് അറിയിച്ചു. സംഭവത്തിൽ മൂന്ന് പേർ പങ്കെടുത്തതായി അതിക്രമത്തിനിരയായ യുവതി പൊലീസിന് […]

കൊച്ചി: വിവാഹ വാഗ്ദാനം നൽകി സ്ത്രീയെ പീഡിപ്പിച്ചെന്ന പരാതിയിൽ 58-കാരനെ പോലീസ് അറസ്റ്റ് ചെയ്തു. കാസർകോട് പാലാവയൽ സ്വദേശി മലങ്കടവ് നെടുങ്ങനാൽ സന്തോഷ് ജോസ് ആണ് പിടിയിലായത്. എറണാകുളം നോർത്ത് പോലീസാണ് അറസ്റ്റ് ചെയ്തത്. മാട്രിമോണി സൈറ്റ് വഴി സ്ത്രീകളുമായി പരിചയം സ്ഥാപിച്ച് വിവാഹ വാഗ്ദാനം നൽകി പീഡിപ്പിക്കുന്നതാണ് ഇയാളുടെ രീതിയെന്ന് പോലീസ് പറയുന്നു. ആലപ്പുഴ സ്വദേശിനിയായ 59-കാരിയാണ് പരാതിക്കാരി. ഇവരെ മാട്രിമോണി വഴി പരിചയപ്പെട്ട പ്രതി പിന്നീട് എറണാകുളത്തേക്ക് വിളിച്ചുവരുത്തുകയായിരുന്നു. ലിസി ആശുപത്രിക്ക് സമീപമുള്ള ലോഡ്ജിൽ […]