കൊല്ലം: മുഖ്യമന്ത്രിസ്ഥാനം ചൊല്ലി കോൺഗ്രസിൽ തുടരുന്ന ചർച്ചകൾക്കിടെ വിമർശനവുമായി കരുനാഗപ്പള്ളി നിയുക്ത എംഎൽഎസി ആർ മഹേഷ്. ഫെയ്സ്ബുക്ക് കുറിപ്പിലൂടെയാണ് അദ്ദേഹം തന്റെ പ്രതികരണം അറിയിച്ചത്. ജനവികാരം മനസ്സിലാക്കാതെ പ്രവർത്തിക്കുന്നവർക്ക് ഭാവിയിൽ തിരിച്ചടി നേരിടേണ്ടിവരുമെന്ന് അദ്ദേഹം മുന്നറിയിപ്പ് നൽകി.
ധർമ്മടത്ത് പിണറായി വിജയൻ പോലും സമ്മർദ്ദം നേരിട്ട സാഹചര്യം ചൂണ്ടിക്കാട്ടിയ മഹേഷ്, ശക്തമായ വിജയങ്ങൾ നേടിയ മണ്ഡലങ്ങളിലുപോലും രാഷ്ട്രീയ മാറ്റങ്ങൾ സംഭവിക്കാമെന്ന് പറഞ്ഞു. “ജനവികാരം കണ്ടില്ലെന്ന് നടിക്കുന്നവർക്ക് എല്ലാം ഇവിടെ അവസാനിച്ചുവെന്ന് തോന്നാം. പക്ഷേ അങ്ങനെ അല്ല. ജനാധിപത്യത്തിൽ ജനങ്ങളുടെ മനസ്സാണ് നിർണായകം,” എന്നാണ് അദ്ദേഹത്തിന്റെ കുറിപ്പിലെ പ്രധാന ഭാഗം. ഇത് ആരെയും പിന്തുണയ്ക്കാനോ വിമർശിക്കാനോ ഉള്ള പ്രതികരണമല്ലെന്നും, സാധാരണ ജനങ്ങളുടെ വികാരമാണ് പങ്കുവെക്കുന്നതെന്നും സി.ആർ. മഹേഷ് വ്യക്തമാക്കി.
