കൊച്ചി: കുംഭമേളയിലൂടെ ശ്രദ്ധ നേടിയ വൈറൽ താരത്തിന്റെ വിവാഹവുമായി ബന്ധപ്പെട്ട വിഷയത്തിൽ ഹൈക്കോടതി ഇടപെട്ടു. പെൺകുട്ടി ആവശ്യപ്പെട്ടാൽ ആവശ്യമായ പൊലീസ് സംരക്ഷണം നൽകണമെന്ന് ഹൈക്കോടതി നിർദേശം നൽകി. എറണാകുളം പൊലീസിനാണ് കോടതി നിർദേശം നൽകിയത്. സംരക്ഷണം ആവശ്യപ്പെട്ട് പെൺകുട്ടി എറണാകുളം സെൻട്രൽ പൊലീസ് സ്റ്റേഷനെ സമീപിച്ചിരുന്നു. ഇതിന് പിന്നാലെയാണ് ഹൈക്കോടതി നടപടി സ്വീകരിച്ചത്. പെൺകുട്ടിയുടെ സുരക്ഷ ഉറപ്പാക്കാൻ ആവശ്യമായ നടപടികൾ സ്വീകരിക്കണമെന്ന് കോടതി പൊലീസിനോട് നിർദേശിച്ചു.