കൊല്ക്കത്ത: നിയമസഭാ തെരഞ്ഞെടുപ്പ് നടക്കുന്ന തമിഴ്നാടും പശ്ചിമബംഗാളും പോളിങ് ബൂത്തിലേക്ക് എത്തിത്തുടങ്ങി. രാവിലെ ഏഴ് മുതല് വൈകിട്ട് ആറ് മണിവരെയാണ് പോളിങ്. തമിഴ്നാട്ടിലെ മുഴുവന് മണ്ഡലങ്ങളിലും ഒറ്റഘട്ടമായി പോളിങ് ഇന്ന് നടക്കും.
234 നിയമസഭാ മണ്ഡലങ്ങളിലായി 5 കോടി 73 ലക്ഷം വോട്ടര്മാരാണുള്ളത്. ബംഗാളിലെ ആദ്യഘട്ടത്തില് 152 മണ്ഡലങ്ങളിലാണ് ഇന്ന് പോളിങ് നടക്കുന്നത്. സംഘര്ഷങ്ങളുടെ പശ്ചാത്തലത്തില് കനത്ത സുരക്ഷയാണ് സംസ്ഥാനത്ത് ഏര്പ്പെടുത്തിയിരിക്കുന്നത്.
തമിഴ്നാട് മുഖ്യമന്ത്രി എം കെ സ്റ്റാലിന്, ഉപമുഖ്യമന്ത്രി ഉദയനിധി സ്റ്റാലിന്, ടിവികെ പ്രസിഡന്റ് വിജയ്, കേന്ദ്രമന്ത്രി എല് മുരുകന്, സിനിമാതാരങ്ങളായ രജനികാന്ത്, കമല്ഹാസന്, അജിത്ത്, തൃഷ, സംഗീതജ്ഞന് ഇളയരാജ തുടങ്ങിയവര് ചെന്നൈയിലും എഐഎഡിഎംകെ ജനറല് സെക്രട്ടറി എടപ്പാടി പളനിസാമി സേലത്തും ബിജെപി നേതാവ് കെ അണ്ണാമലൈ കോയമ്പത്തൂരിലും വോട്ട് രേഖപ്പെടുത്തും.
പശ്ചിമ ബംഗാളില് ആദ്യ ഘട്ടമാണ് ഇന്ന്. വടക്കന് ജില്ലകളിലെയടക്കം 152 മണ്ഡലങ്ങളിലെ വോട്ടര്മാരാണ് വിധിയെഴുതുന്നത്. കനത്ത സുരക്ഷയിലാണ് പോളിങ് നടക്കുക. ആദ്യഘട്ടത്തില് ആകെ 1,478 സ്ഥാനാര്ഥികളുണ്ട്. ഇന്ന് 16 ജില്ലകളിലാണ് വോട്ടെടുപ്പ്.
